Egpaar op plaas aangeval; een verdagte dood

Argieffoto: SAPD

Die polisie is op soek na drie mans wat Donderdagoggend vroeg ʼn egpaar op Lephalale aangeval, vasgebind en beroof het.

Lt.kol. Moatshe Ngoepe, woordvoerder van die polisie, het gesê vier gewapende mans het die man (73) en sy vrou (58) met pistole aangehou voor die verdagtes hulle vasgebind het.

Die verdagtes het die egpaar daarna van hulle pistole en ander waardevolle items soos selfone beroof.

Volgens Ngoepe kon die man daarin slaag om hom los te wikkel en ʼn ander pistool, wat in die huis weggesteek was, te gryp. Hy het daarna op die verdagtes losgebrand.

Die verdagtes het glo al die gesteelde goedere, afgesien van een selfoon, neergegooi en hulself uit die voete gemaak.

Die polisie is na die toneel ontbied en het die verdagtes agterna gesit. Een van die verdagtes, ʼn 20-jarige man, is dood langs die pad aangetref.

Ngoepe sê ʼn grootskaalse soektog na die ander drie verdagtes duur voort.

Enigiemand met inligting word versoek om die polisie  by 086 001 0111 (misdaadnoodlyn) te bel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

27 Kommentare

jongste oudste gewildste
Bokkie van der Merwe

Hoeveel plaasaanvalle nog,hoeveel moorde nog voor die regering gaan wakker skrik en sien wat aangaan.Hulle staar net teen geld vas.Sterkte aan die oom en tannie.

Johann

Kinders kry julle bejaarde ouers van die plase af, dit is wat ek gedoen het toe my ouers bejaard geraak het

Lourens van Niekerk

Gaan die boer ook nou van moord asngekla word? Nou wil ek weet ad ek bv by die president se huis gasn llop met ñ pistool wat gaan die wagte met my doen ? Hulle gaan my sekerlik skiet. Want dit is by die president. Nou daar by die boer se huis is hy die president van sy erf of grond. Hy het dit net beskerm.

Maya Roon Joubert

Ons het ons moeder ook fisies moes wegsleep van haar geliefde plot! Eenvoudig te gevaarlik vir bejaarde vrou aleen! En so eindig haar droom!

Lucas

Sal nie verbaas wees as die boer binnekort in hegtenis geneem word vir moord nie!! Jammer maar ek vertrou polisie NIKS!!!