Egpaar op Pta-kleinhoewe aangeval, man doodgeskiet

Eva en Henry Kirstein. Foto: Via Facebook

Eva en Henry Kirstein. Foto: Via Facebook

Minstens sewe aanvallers het Donderdagaand ʼn egpaar op ʼn kleinhoewe buite Pretoria oorval. Die man, Henry Kirstein, is in die aanval doodgeskiet.

Kapt. Marissa van der Merwe, polisiewoordvoerder, het aan Maroela Media gesê die voorval het op ʼn kleinhoewe in die Mooiplaats-omgewing naby Boschkop, oos van Pretoria, plaasgevind.

“Twee veiligheidswagte was besig om langs die heining te patrolleer toe vyf verdagtes hulle oorweldig het. Twee verdagtes was met pistole gewapen. Die verdagtes het die vuurwapens op die wagte gerig en hulle oor die kop geslaan,” het Van der Merwe gesê.

Een wag is by die veiligheidshek vasgebind waarna die verdagtes op die huis toegeslaan het.

“By die huis het hulle die huiseienaar, Henry Kirstein, in die sitkamer in sy linkerbolyf geskiet. Hulle het die ander veiligheidswag vasgebind en die slagoffer se vrou, Eva Kirstein, aangehou en aangedring om te weet waar die kluis is. Hulle wou ook weet waar die egpaar se tienerseun was. Die seun was egter tydens die voorval uit gewees.”

Die aanvallers het ʼn vuurwapen, ʼn groot bedrag geld asook Amerikaanse dollars, drie selfone en ʼn flitslig gesteel voordat hulle op die vlug geslaan het.

“Twee verdagtes het deurlopend buite die huis wag gehou. Toe hulle klaar is, het hulle nog iemand gebel wat hulle met ʼn voertuig kom oplaai het.”

Kirstein is op die toneel dood verklaar. Die veiligheidswagte het behandeling ontvang vir kopwonde.

Die Boschkop-polisie ondersoek ʼn saak van moord en huisroof. Niemand is nog in verband met die voorval in hegtenis geneem nie. ʼn Soektog na die verdagtes is van stapel gestuur.

Van der Merwe het in haar hoedanigheid as die Boschkop-polisie se waarnemende stasiekommissaris, dank betuig aan al die gemeenskapslede, beamptes van veiligheidsmaatskappy en lede van Boschkop-landelike beveiliging wat saam met die polisie, waaronder ao. André Smit, ao. Wynand van der Merwe en ao. Kobus Ras, deur die aand gewerk het om na die verdagtes en leidrade te soek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

94 Kommentare

jongste oudste gewildste
Jan Bender

Net nog n bewys dat daar niks vir wit lewens gevoel word nie……die wagte net beseer maar die manspersoon sommer net dood geskiet…gelukkig sy vroutjie niks oor gekom nie…sterkte aan die famielie.

Maryn @lantic.net

So so jammer! Dit wil verseker voorkom asof daar binne inligting aan die moordenaars verskaf is!

EJ

Sterkte aan familie….

Ralph

woorde het ek nie meer nie!hulle is nou besig om die blankes teen n tempo uit te moor gaan daar nog blankes oor wees by die volgende verkiesing in 2019!simpatie met die familie!

m

Ai ai en so gaan hierdie sinnelose moorde op wittes net aan.