Egpaar skuldig aan bedrog van meer as R200 miljoen

Argieffoto

ʼn Egpaar van Mosselbaai is aan bedrog van R278 miljoen skuldig bevind nadat hulle honderde mense met ʼn piramideskema ingeloop het.

Graeme (54) en Caroline (52) Minne is in die Thembalethu-streekshof skuldig bevind. Hulle is vroeër op borgtog van R50 000 elk vrygelaat. Die egpaar se borgtog is met streng voorwaardes verleng totdat die vonnisverrigtinge op 21 September sal begin.

Kapt. Lloyd Ramovha, woordvoerder van die Valke, het gesê die egpaar het slagoffers tussen September 2002 en November 2009 bedrieg deur hulle te oortuig om geld te belê wat glo op die internasionale mark verhandel sou word. Verskillende bedrae van ʼn minimum van R100 000 is belê en die egpaar het aan die slagoffers belowe dat hulle 65% rente per jaar sou verdien.

“Ongeveer R278 786 853 is vanaf 934 kliënte in hierdie tydperk ontvang en die egpaar het ʼn baie beperkte gedeelte daarvan, minder as R5 miljoen, teen ʼn netto verlies verhandel. In die tipiese styl van ʼn piramideskema, het hulle toe aanvanklike beleggers terugbetaal deur nuwe beleggers se beleggingsgeld te gebruik,” het Ramovha gesê.

Die Valke het ondersoek ingestel na die egpaar se luukse leefstyl en hulle is in 2009 in hegtenis geneem.

Genl.maj. Nombuso Khoza, die Wes-Kaapse hoof van die Valke, het die ondersoekspan gelukgewens met die skuldigbevinding. “Die publiek word hiermee gewaarsku om nie hul hardverdiende geld by onwettige beleggingskemas te belê nie. Wanneer dit lyk asof dit te goed is om waar te wees, is dit gewoonlik die geval,” het Khoza gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
Anoniem

Ek hoop hul kry die straf wat hul verdien. Hulle het mense na selfmoord gedryf met hul gierigheid. Eintlik moes hul nie eers borg gekry het nie. Hierdie saak sloer al vir baie jare. Hul kinders is ten minste nie meer in die skool nie en hopelik is hul selfversorgend. Ek kon nie glo toe ek lees dat hierdie saak nou nog nie afgehandel is nie.

Hanna

Honger vir vinnige en baie geld laat mense vreemde dinge doen.
Tronkstraf wens ek niemand toe nie, my hart is by die mense wat ook vinniger geld wou meer laat word.
Dom ding om te doen want bekende beleggings maatskappye sou mos dadelik ingekoop het..
Ons pension is net so min, maar ons vertrou en die Here sorg elke dag.
Sterkte aan almal wat hier uit gaan leer.

Scalla

Die opbrengs is mos te goed om waar te wees, hul gee die bedryf n slegte naam, en mense is te geldgierig. Vergelyk dit met enige ander erkende finansiele instelling se koerse en die koers is nie eers 10% van wat die mense kastig belowe nie. Vra julself die vraag af, as hul so goed doen, hoekom wil hul jou geld he om jou ryk te maak, laat hul hul eie geld gebruik om hulself te verryk. Mense wil nie leer nie en die ergste is dat dit soms bejaardes se laaste neseier is, hoop die beleggers verloor nie te… Lees meer »

Alida

Mense leer net nooit!!!

Gouwsie

Hoe kan die mense se onverantwoordelike dinge aan hul mede mense doen, baie mense het al selfmoord gepleeg as gevolg daarvan. Hoeveel mense moet nou lewe van aalmoese? Het jul geen gevoelens nie nee ons lewe lekker van n ander mens se swaar verdiende geldtjies. Baie mense lewe van brood en water,terwyl jy jou lekker sit en dik eet,God sien alles raak en hy sal sy straf uitdeel. Voel jammer vir die wat so baie verloor het. God sal voorsien.