Egpaar val mekaar op strand aan

ʼn Egpaar het mekaar op Nuwejaarsdag op ʼn strand in Jeffreysbaai in die Oos-Kaap aangeval.

Craig Lambinon, woordvoerder van die Nasionale Seereddingsinstituut (NSRI), het gesê die man en vrou het albei steekwonde opgedoen. “Die man is ook vir ernstige kopbeserings behandel.”

Volgens Lambinon het polisiebeamptes wag gestaan terwyl paramedici van die NSRI die twee pasiënte behandel het aangesien daar ʼn “gespanne en plofbare atmosfeer” was.

Die egpaar is in ʼn stabiele toestand in die hospitaal opgeneem.