Argieffoto
’n Egpaar van Birchleigh sal volgende week weer in die Kempton Park-landdroshof aan die Oos-Rand verskyn vir die moord op hulle baba vroeër vandeesmaand.
Kapt. LP Molokomme, woordvoerder van die polisie, het gesê die man (28) en sy vrou (24) is verlede Woensdag in hegtenis geneem nadat die polisie vroeër dié week na ʼn huis in Jonathanstraat ontbied is.
By hul aankoms op die toneel het paramedici reeds ʼn vyf maande oue baba dood verklaar.
Volgens Molokomme het die kind se ma aanvanklik aan die polisie gesê dat die kind dié betrokke dag nie asem gehaal het toe sy by hom kom nie waarna die polisie ʼn geregtelike doodsondersoek geopen het.
Die kind se liggaam is na ʼn staatslykshuis geneem waar ʼn nadoodse ondersoek egter bevind het dat die baba beserings opgedoen het wat met ʼn stomp voorwerp toegedien is.
Die egpaar is toe in hegtenis geneem op aanklag van moord en het kort daarna in die hof verskyn.
Albei bly in aanhouding tot hul volgende hofverskyning op 22 Augustus, het Molokomme gesê.
Hulle sal na verwagting dan om borgtog aansoek doen.
Arme ou dingetjie, wat moes hy nie deurgemaak het nie. Wonder of hulle ooit gevoelens het en dit nog hul eie ou seuntjie.
My hart huil vandag en ek bid my dogter lees nie die berig nie. My dogter en haar man het alles wat hulle harte begeer behalwe n baba. Finansieel, emosioneel, fisies is alles 100% maar babatjie wil nie kom nie. Hier vermoor n ouerspaar hulle 5 maande oue baba, vir wat, vir wie??
Liewe hemel, die mensdom raak mal, Arme kind, Gee hom eerder vir iemand wat smag na n kindjie. Ek hoop geregtigheid geskied hier.
Regtig, Mense is besig om gek te word in die land.
Verskriklik hartseer. Ek verstaan nie waarom sulke mense kinders het nie. My dogter smag na n baba maar sukkel onglooflik Baie.
Hoekom nog nog n onskuldige kind…. Kon niemand vroeer onraad vermoed het nie..
Gooi hulle lewenslank in die tro k en laat hulle dieselfde pyne voel….
“Liewe Here….vergewe hulle, want hulle weet nie wat hul doen nie……HELP!!!” Die Here sê….My land en mense gaan tengronde, weens gebrek aan kennis…..
Net 1 oplossing die doodstraf moet terugkom
@Essie dit sal nie die pyn, vrees en boosheid wat daardie babatjie deurgemaak het regmaak nie. Ons kan doodstraf skreeu tot die berge antwoord gee dit sal nooit gebeur nie. En buitendien die doodstraf? In ander lande mense wat die doodstraf kry sit 18 jaar plus en wag, intussen eet hulle beter as die ander gevangenesse, hulle lewens is beter in de tronk as daar buite. Nee, wat gee hulle vd gemeenskap en se “maak met die gemors wat julle wil.”
Interessant! Die ouers is reeds aangekla, die kindjie het nie meer beskerming nodig nie, tog word die ouers se identiteit beskerm?
Hoop die ander gevangenis wys vir hulle hoe daar met kinder molesteerders en kinder moordenaars gewerk word!!
Die bose is tusen ons.