Die Valke het beslag gelê op vervalste goedere ter waarde van meer as R5 miljoen tydens ʼn klopjag in die Johannesburgse middestad.
Kapt. Ndivhuwo Mulamu, woordvoerder van die Valke, het gesê verskeie wetstoepassingsagentskappe, waaronder die Valke, grenspolisiëring City Deep en Johannesburg-Sentraal sigbare polisiëring, het Donderdag tydens ʼn klopjag ’n egpaar wat in besit was van pakkies sanitêre doekies waarvan die handelsmerk vervals is, in hegtenis geneem.
Mulamu sê die egpaar het na bewering Stayfree sanitêre doekies as die duurder handelsmerk Always in ʼn fabriek in die Crown Mines-omgewing in die middestad verpak en versprei.
Die egpaar is Donderdagoggend uit hul woning in Northcliff na die fabriek begelei en beslag is gelê op meer as 60 000 pakkies Always sanitêre doekies en twee Rizla-vervaardigingsmasjiene met ’n geskatte waarde van altesaam R5 miljoen.
Die polisie het verlede jaar inligting oor die onwettige handel ontvang en is sedert Julie op die spoor van die egpaar.
ʼn Lasbrief en beslagleggingsbevel is reeds in Januarie vanjaar verkry.
Die egpaar sal vermoedelik Vrydag in die gespesialiseerde handelshof in Palm Ridge in Johannesburg verskyn.
Ek sien nie die probleem hier nie,niemand is leed aangedoen nie hulle was miskien oneerlik maar dit is nie asof hulle dwelms vervaardig het of wapens verkoop het nie.
Ek het gedink dit is dalk klere.
Nou hang my mond oop!!
Ek hoop hulle gee al daardie sanitere ware vir behoeftiges eerder as om dit te verbrand!
Hoe vervals jy sanitere doekies
Deur goedkoper produkte onder ‘n duurder handelsmerk te verkoop, Janette. Ek verstaan egter jou vraag. Die sinitêre dovekies is nie vervals nie, maar die handelsmerk wel.
Daar was ‘n video in omloop so ‘n jaar of wat gelede wat gewys het hoe hulle 1 doekie uit elke pak uithaal en dan weer herverpak. Elke 9 pakke het jy nog ‘n pak met 9 in. Hulle koop 9 aan en verkoop 10 teen volprys.
Jy gebruik ‘n duurder vervaardiger se naam en sit goedkoop doekies in….
Die doekies kan liewer gebruik word om water te suiwer as om dit te verbrand. Glo my, dit werk.
Die doekies kan as gesigmaskers gebruik word.
Slim idee….