Eienaar restaurant kwyt ná video

‘n Skermskoot uit die video.

’n Eienaar van ’n Ocean Basket-restaurant in Lakefield, Benoni, is sy onderneming kwyt nadat beeldmateriaal op sosiale media versprei is van hom wat oënskynlik een van sy werknemers aanrand.

Op die beeldmateriaal, wat deur ʼn veiligheidskamera vasgevang is, kan gesien word hoe die man die werknemer herhaaldelik klap terwyl die werknemer probeer om homself teen die houe te beskerm. Dit is nie duidelik wat aanleiding tot hierdie konflik gegee het nie.

Ocean Basket het nie bevestig wanneer die voorval plaasgevind het nie, maar volgens die datum op die beeldmateriaal het die voorval die oggend van 3 Julie gebeur.

Talle sosialemediagebruikers het vandeesweek die video op Ocean Basket se amptelike Facebook-blad gedeel en geëis dat die restaurant stappe doen.

‘n Skermskoot uit die video.

Grace Harding, uitvoerende hoof van Ocean Basket, het Dinsdag in antwoord op die navrae geskryf die restaurantgroep is uiters ontsteld oor die voorval en het reeds verlede week die eienaar en werknemer besoek. “Ons het die eienaar van die besigheid verwyder. Hy het geen aandeel meer in die besigheid nie en ons het geen verdere verhouding met hom nie,” het Harding gesê.

Sy het gesê die werknemer ontvang tans berading. “Enige besluit oor ʼn strafregtelike aanklag wat ingedien word berus by die werknemer. Hierdie situasie is aaklig en ons aanvaar nie die gedrag wat in die video gesien kan word nie.”

Harding het gesê sy sal persoonlik seker maak dat die werknemer en sy kollegas ʼn wonderlike nuwe eienaar kry wat aan hulle ʼn gesonde werksomgewing sal bied.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

83 Kommentare

jongste oudste gewildste
Ag asb

En die storie is nog nie eers uitgeklaar nie en die media hol alweer daarmee weg. SPUR, KFC EN NOU OCEAN BASKET. Het julle videos van die honderde Plaasmoorde???

Tibely Ebersohn

Dis absoluut afgryslik. Ek is sommer naar.

Anderkant

Se eers wat het die werknemer gedoen! Eers dan mag ek vir hom jammer voel. Maar vir nou voel ek vere.

dom

rerig!!! hekse jag!

Jakes

Boikot Ocean basket. die swart engel het paksla gekry seker omdat hy so onskuldig is.Waar in die lewe het jy dan nou gesien ‘n arme swart engel kan iets verkeerd doen, mens word mos sommer net so onnodig kwaad vir hulle en al waaraan hulle skuldig is is om jou sakde aan te doen.