Eienaar van roofdierpark wond ‘renosterstroper’

(Foto: SAPD)

Sake van poging tot moord en renosterstropery word ondersoek na ’n voorval by ’n roofdierpark op Vierfontein in die Vrystaat.

Daar word beweer dat die eienaar van die roofdierpark en sy twee seuns Donderdag in die vroeë oggendure op vyf vermeende stropers naby die renosterboma afgekom het. ’n Heining naby die boma was geknip.

“Een van die stropers het glo ’n jaggeweer op die pa en seuns gerig. Die klaer het skote op die vermeende stropers afgevuur,” het brig. Motantsi Makhele, polisiewoordvoerder, gesê.

’n 48-jarige verdagte is in die arm en been gewond en is na ’n hospitaal in Klerksdorp geneem vir behandeling. Hy is onder polisiebewaking. ’n Tweede verdagte (43) is in die omgewing van die toneel in hegtenis geneem. Die verdagtes sal binnekort in die Viljoenskroon-landdroshof verskyn.

Volgens Makhele is op ’n pistool, ’n magasyn met vyf patrone, ’n .375-jaggeweer en ’n byl beslag gelê. Die ander drie verdagtes is steeds soek.

’n Renoster is op 30 Julie in die roofdierpark doodgemaak en onthoring. “Die polisie soek steeds na die verdagtes wat by die voorval betrokke was,” het Makhele gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

9 Kommentare

jongste oudste gewildste
Jasper

Meneer jy moet meer oefen en akkuraat skiet dit wat jy gedoen het is onverskoonbaar.

Werner

Mooi

SjN

Knap gedaan, Laat dit vir hul n les wees, hoekom hospitaal toe vat, laat hy lei soos die arme diere wat gestroop word.

Swerwer

Sake van poging tot moord, “glo dit is ovan toepassing op die stropers “, en renosterstropery word ondersoek na ’n voorval by ’n roofdierpark op Vierfontein in die Vrystaat.

Frank John

As ons hulle maar net almal kan vang.