‘Eiendomsagente’ oorval bejaarde vrou 

Klasie van Rooyen. Foto: Verskaf

ʼn Bejaarde vrou is deur drie vroue en ʼn man in ʼn huis in Valhalla, Centurion, oorval nadat hulle hul as eiendomsagente voorgedoen het.

Die verdagtes het omstreeks 13:40 Vrydagmiddag die huis waar Klasie van Rooyen (86) en haar dogter woon, binnegegaan. Die huis is tans in die mark.

“Hulle het my ma geklap en gewurg en die teen grond gegooi. Hulle het haar toe vasgebind en ʼn bed bo-op haar omgekeer,” het De Wet Steyn gesê.

Volgens kapt. Agnes Huma, polisiewoordvoerder, het die verdagtes hierna met ʼn selfoon, juwele, klere en bottels wyn op die vlug geslaan.

“My ma het twee fone en sy hou een in elke sak. Hulle het die een foon gevat, maar sy kon haar loswikkel en het toe die ander foon uitgehaal en my suster wat by die werk was, gebel.”

Klasie van Rooyen. Foto: Verskaf

Van Rooyen is na ʼn hospitaal geneem vir behandeling en is Saterdagmiddag ontslaan. “Een van haar vingers is gebreek soos wat die rowers haar ringe afgehaal het. Hulle het ook haar oorbelle en selfs haar bril gevat. Sy het baie pyn in haar hand en arm.”

Daar was ʼn paar weke terug ook ʼn voorval by die huis. ʼn Man het oor die muur gespring en toegang tot die huis verkry. Juwele en ʼn selfoon is tydens die voorval gesteel.

Volgens Steyn het een van die rowers tydens Vrydag se voorval ʼn foon op die toneel agtergelaat. “Ons hoop dit sal die polisie help om hulle te vang.”

ʼn Saak van huisroof word ondersoek en niemand is nog in hegtenis geneem in verband met die voorval nie.

Enigiemand met inligting oor die voorval word versoek om Stop Misdaad by 08600 10111 te kontak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

30 Kommentare

jongste oudste gewildste
Termiet

Lafaards!!!!!!!! 4 van hulle teen 1 weer lose Tannie! Spreek boekdele van hulle.

Duwweltjie

Oumense moet ‘n alarm wat aan ‘n gewapende reaksie gekoppel is hê. Dit is ‘n absolute noodsaaklikheid en ‘n paniek knoppie om die nek dra.

Laat niemand in nie. NIEMAND wat jy nie ken nie.

En hou daardie alarm aangeskakel. Ons skakel ons alarm aan veral as my wederhelfte alleen tuis is.

Eerlik

n Saak van huis roof word ondersoek! Dis belaglik, wat van aanranding met die doel om ernstig te beseer of selfs poging tot moord?

Johann

Dis hartseer En wys op die belangrikheid om jou huis op ‘n profesionele manier te verkoop Verkoop borde voor ‘n huis moet eerder vermy word Dit stel ‘n mens net bloot vir so iets En om dit privaat te verkoop bring ook groot risikos

melaney

Ons huis is verlede jaar in die mark gewees. Ons het vooraf besef dat omstandighede in Suid Afrika van so aard is dat ons nie oudergewoonte die huis kon oopstel vir die publiek nie. ALLES behalwe ons bed was eers uit die huis verwyder. Ieder en elke besoeker het nie langer as twee minute vertoef nie. Daar was ook skelms wat hulle as agente voorgedoen het. Hulle was nogal geskok om ‘n leë huis binne te gaan. Al wat ek kan sê is die blanke moet waaragtig nou begin wakker word.