Eiendomseienaars versoek om te reageer oor grondonteiening

grond-deur-hanzell-vineyards-flicker

Foto: Hanzell Vineyard/Flickr.com.

AfriSake het kommentaar by die waardeerder-generaal ingedien wat handel oor die voorgestelde nuwe regulasies wat op 21 April 2017 in die staatskoerant gepubliseer is. Dié regulasies bepaal hoe eiendom deur die staat vir die doel van grondonteiening gewaardeer gaan word.

Die regulasies bevat kriteria vir eiendomswaardasies wat die beperkings in die Grondwet oorskry. Dit sal onvermydelik daartoe lei dat betrokke grondeienaars nie markverwante vergoeding vir hul eiendom sal ontvang nie weens berekenings wat “ongebruikte eiendom” in ag neem en die waarde van die hele eiendom verlaag. Ongebruikte eiendom sluit skynbaar alle ander grond in waarop daar nie landbouaktiwiteite plaasvind nie of waarop daar geen strukture opgerig is nie.

“Dit is uiters belangrik dat eiendomseienaars die regulasies lees en hul eie kommentaar daarop aan die waardeerder-generaal stuur,” verduidelik Armand Greyling, regs- en beleidsanalis by AfriSake. “Die invloed van faktore soos natuurrampe, spesifiek droogte, word nie in dié regulasies verreken nie. Dit sou beteken dat ongebruikte eiendom laer as die ware markwaarde daarvan gewaardeer word. Die regulasies is drakonies en oorskry die mag wat in terme van die Wet op Eiendomswaardasie, 2014 aan die waardeerder-generaal gegee is.”

Sien AfriSake se kommentaar.
Die sluitingsdatum vir kommentaar op die regulasies is 21 Junie 2017.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
stefanie

Suid Afrika is nou al so bankot desteel nou wil hulle nog die grond ook van die mense besteel . Daar word nie Na die belang van die land omgesien nie alles gaan oor wat hulle nog kan steel sonder betaaling idioties

Johann Marx

En so sal Suid Afrika homself verteer totdat daar NIKS oor is nie. Kyk wat het met die market gebeur toe Minister Mosebenzi Zwane die planne aankondig waarvolgens mynhuise binne 12 maande 30% van alles waarvoor hulle gewerk het net so goedsmoeds vir een of ander swart aandeelhouer moet GEE!! En dieselfde gaan gebeur met alle eiendom. Waarom kan hierdie mense NIKS positiefs tot stand bring nie? Waarom maak hulle besluite TEEN die beste raad en waarskuwings in, net om met die selfgemaakte katastrofes op te eindig, en die blaam te plaas op diegene wat TEEN hulle aksies en wette… Lees meer »

Anoniem

Nee heng man, hoe maklik is dit dan nou. Daar is 20,000 plase in die mark. Gaan koop die op. Los die plase van mense wat hard werk om kos te voorsien.

Dawid

Gaan kyk biejie op Goggle earth dan sien jy wie besit al die grond. En ek ek seker hulle betaal nie belasting daar op nie.

Net my opinie

Die ANC se beleid is ongelukkig in lyn met die VN se agenda dat enige privaateiendom nie volhoubaar (sustainable) is nie. Ek dink dit is uiteindelik waarop ons afstuur: die onteiening van enige en alle privaateiendom. Mense wat in die pad staan van die internasionale agenda sal natuurlik geneutraliseer word en daarom klink al meer praatjies van burgeroorlog op.