‘Ek is nie ʼn dief nie,’ sê Zuma

Pres. Jacob Zuma (Oktober 2016) Foto: GCIS, Flickr

Pres. Jacob Zuma (Oktober 2016) Foto: GCIS, Flickr

Pres. Jacob Zuma het ontken dat hy ʼn “dief” is wat die staatskas vir sy eie voordeel geplunder het sedert hy in sy amp aangestel is.

Zuma het Vrydag aan ANC-ondersteuners in Pietermaritzburg gesê hy is nie ʼn dief nie, maar hy weet wie die staatskas plunder. “Die waarheid is, ek is nie ʼn dief nie, en daar is geen bewyse om dié bewering te staaf nie. Daarom pla sulke beskuldigings my nie. Die waarheid is dat diegene wat my beskuldig van diefstal, hulself verryk deur diefstal. Ek weet wie hulle is,” het hy gesê.

Alhoewel hy geen name bekend gemaak het nie, het Zuma onderneem om in ʼn stadium te boek te publiseer waar hy ʼn gedetailleerde uiteensetting sal gee van die “geheime” wat hy oor sekere individue het.

“Wanneer ek lankal weg is, wanneer julle oud is, sal julle in ʼn boek lees van dit waarna ek nou verwys.”

Zuma het gesê die beskuldigings pla hom nie, want hy ken die waarheid, en hy voel jammer oor diegene wat sulke uitlatings oor hom maak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

62 Kommentare

jongste oudste gewildste
D

Zuma, vertel ons ‘n nuwe grappie. Jy en jou kornuite het die staatskas brankot gesteel.

erica

regtig,zuma jy het seker geheueverlies…..,,,

Fielies

Red Herring!

Hasie

Ai Mr Zuma, jy sê dit is nie jy nie, maar ons almal verdink jou. As jy dan weet wie dit is bring hulle uit en wys wie steel die staat se geld. Nou wil jy dit in ‘n boek skryf. Wonder wie gaan die boek lees, want dit sal mos nie die waarheid praat nie. Ai my oom, daar is seker mense wat jou glo, maar nie ek nie.

Jan

Nou sien ek ook hy het gesê, hy is nie ‘n hond nie, maar ‘n mens. Dan, ek het ook nou al so ‘n boek of twee geskryf en wil ek vir hom sê, in teentelling met daardie boek van hom, wat hy beduie waarin hy die waarheid wil vertel, is my boeke NIE-FIKSIE.