Ekonoom waarsku oor gevolge van Gordhan-sage

Pravin Gordhan. Argieffoto

Pravin Gordhan. Argieffoto

Indien Pravin Gordhan, minister van finansies, te midde van berigte dat die Valke hom moontlik in hegtenis wil neem oor ʼn sogenaamde “rogue”-eenheid in die Suid-Afrikaanse Inkomstediens (SAID), nie sy termyn kan voltooi nie, sal die Suid-Afrikaanse ekonomie skerp afwaarts spiraal, sê Annabel Bishop, hoofekonoom by Investec Bank Limited.

“Die afgelope week was baie onbestendig, met die rand wat op R13,45 teenoor die Amerikaanse dollar, R15,20 teen die euro en R17,57 teen die pond geopen het. Die rand het hierna geval na R14,32 teen die dollar, R16,17 teen die euro en R18,79 teen die pond na die onverwagte nuus dat Gordhan strafregtelik vervolg kan word,” het Bishop gesê.

Volgens haar kan die rand tot R19 teen die dollar en R25 teen die pond val indien Gordhan nie sy termyn kan uitdien nie en sy plaasvervanger nie die graad van fiskale konsolidasie, wat nodig is, kan teweegbring nie.

Indien kredietgraderingsagentskappe glo die graad van fiskale konsolidasie, wat tans in die begroting uiteengesit is, ʼn werklike risiko is, word dit baie moontlik dat Suid-Afrika se kredietgradering sal daal tot spekulatiewe graad.

“Die risiko bestaan dan dat ʼn afwaartse spiraal kan ontwikkel, waar hoër leenkoste en stygende fiskale skuldverhoudings tot die BBP kan lei tot ʼn verdere verswakking in staatsfinansies, wat in die uiterste geval kan lei tot ʼn wanbetaling van soewereine skuld. In so ʼn situasie, sou die rand waarskynlik in die rigting van R30,00 teen die dollar en R40,00 teen die pond kan beweeg.”

Volgens Bishop is dit die persepsies van toekomstige kredietwaardigheid van ʼn land se finansies wat vir die graderingsagentskappe tel en die huidige optrede van die regering van ʼn land word gebruik om oor hierdie toekomstige kredietwaardigheid te oordeel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

12 Kommentare

jongste oudste gewildste
Lance

Kan maklik gebeur want die anc regering voel nou nog minder vir die kiesers wat hulle stemme onttrek het …sal maar seker leer op die harde manier …jammer daar is geen medikasie vir as mens dom is nie ne

Alida

Plaas dit alles voor ongeskoolde JZ se deur want hy, in sy onkunde weet seker nou nog nie waaroor die bohaai gaan nie. Hy en sy reuse gesin kry alles wat hulle nodig het plus verniet. JAAG hom nou weg.

Alida

Hulle moet daai skelm stortkop toesluit vir sy bykans 800 aanklagtes teen hom!

Ai..wat n klomp.....

n Diktator voel niks want sy pens is dik en sy koffers vol! Die Wat hom in sy posisies sit sal maar nog lekker swaar kry ……ai Afrika…jul wonder hoekom….en die buite wereld lag…..ja kry maar swaar…..

M Jacobs

“Iemand” het hom in daardie pos aangestel en dis dieselfde “iemand” wat hom daar hou. Soek daardie “iemand”!