Ekstra 5% vir sommige leerders om te slaag

(Foto: Unsplash)

Die departement van basiese onderwys gee aan leerders in gr. 4 tot gr. 9 vanjaar die vergunning dat hul punte in tot drie vakke met 5% verhoog kan word indien dit sal beteken dat hulle die betrokke vakke slaag.

Die aanpassing van punte en spesiale vergunnings word ingespan om te voorkom dat groot getalle leerders moontlik hul jaar moet herhaal.

Verlede jaar se spesiale vergunning het bepaal dat slegs leerders in gr. 7 tot gr. 9 se punte verhoog kon word en dít met slegs 2%.

Vanjaar se vergunning word gegee in die lig van die vele onderbrekings en uitdagings wat die Covid-19-pandemie tot gevolg gehad het, sê Mathanzima Mweli, direkteur-generaal van die departement van basiese onderwys.

Wiskunde

Spesiale vergunnings word vanjaar spesifiek in wiskunde gegee vir leerders wat aan die ander vereistes voldoen om van een graad na die volgende bevorder te word, maar nié vlak 3 (40%) in wiskunde kon behaal nie.

“Dit beteken dat die wiskundepunt aangepas mag word en die leerder na die volgende graad bevorder mag word indien hy of sy aan al die ander slaagvereistes voldoen.”

Gr. 9-leerders wat met vergunning steeds minder as 30% behaal, het steeds die opsie om in gr. 10 voort te gaan met wiskunde óf wiskundige geletterdheid.

Daar moet egter duidelik op ’n leerder se rapport aangedui word indien punte aangepas is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

29 Kommentare

jongste oudste gewildste
Willem

Maw nou moet hulle net 25% hê om deur te kom

JohanR

Soe as hulle net 25% eind telling kry, dan sal nog 5% bygevoeg word om te verseker hulle is 30 percenters. 25 percenters rol nie soe mooi van die tong af nie.

Sarel

Dan kan hy/sy nie wiskunde doen nie

Oe la la

Dis belaglik! Dis hoe als in hierdie landjie van ons reg gemaak word. In plaas van die probleem aanspreek en reg maak en verseker dat dit nie weer gebeur nie, voeg ons net 5% by en siedaar jy slaag! Mooi so!

Sêmanet

Dit is glad nie reg nie. Kinders word dan oorgesit na ‘n volgende graad, sonder dat hy iets weet van die vorige grade? Gaan hulle punte geboost word ook as hulle na Matriek wil gaan studeer? Dis nie regverdig nie. Hulle doen die kinders ‘n onreg aan. Hulle moet mos verstaan wat dit is om te leer vir goeie punte. Nou hoef niemand meer te leer nie, skole druk nou maar die kinders deur…