Só het die Land Cruiser gelyk nadat rowers daarop geskiet het. (Foto: Verskaf)
“Hijacking op die N4 in Hatfield toe … Hulle skiet, hulle skiet, hulle skiet!”
ʼn Elektrisiën van Pretoria het hom op 22 April in die middel van die opspraakwekkende transitoroof op die N4 in Pretoria bevind. Hy het toe sommer besluit om self agter die rowers aan te jaag terwyl hy ʼn noodoproep op verskeie van die WhatsApp-veiligheidsgroepe waaraan hy behoort, gestuur het.
ʼn Video van ʼn veiligheidsbeampte wat tydens dié gepoogde transitoroof onder ʼn bende rowers uitjaag, het verlede week wêreldwyd opslae gemaak. Andries Potgieter (33), eienaar van Atterbury Electrical en ʼn opgeleide lyfwag, was net ná 10:00 op pad na ʼn kliënt toe éérs die transitovoertuig en daarna die rowers in ʼn donker gekleurde Audi verby hom gejaag gekom het.
“Die motors voor my het net skielik rem aangeslaan en toe kom die Land Cruiser verbygejaag. Dit is nadat die eerste skote geklap en die voertuig op die N4 omgedraai het,” sê Potgieter. Hy het toe agter die voertuie aangejaag terwyl hy die voorval op die veiligheidsgroepe aangemeld het.
Die Audi waarin die transitorowers gery het. (Foto: Verskaf)
“Die rowers was reg voor my met AK47’s en die skote het oral geklap.”
Potgieter sê drie minute nadat hy die voorval die eerste keer aangemeld het, het die polisie reeds die N4 afgesper. “Nog twee minute later was die polisiehelikopters in die lug.”
Potgieter sê hy verleen bystand waar hy kan so tussendeur sy elektrisiënwerk. “Sulke dinge gebeur so vinnig. Ek is maar net dankbaar ek is op die veiligheidsgroepe sodat ek dit kon aanmeld.”
Niemand is nog in verband met die voorval in hegtenis geneem nie.
klink goed dat die polisie wel hul werk dadelik gedoen het hhmm BAIE INTERESSANTE STORIE DIE lees graag ook al die kommentaar oor die gebeure
Yis maar daai boer ” Chuck Norris” is ‘n yster. En die “ander”rooi mannetjies dink dit gaan maklik wees. Mmmpppphhh
Sy naam is Leo Prinsloo
Kan net nie verstaan dat niemand in hegtenis geneem is nie, die polisie was dan binne minute teenwoordig.
Ja hulle het dan die motor waarin die rowers gejaag het???
Moet sê daai oud-polisieman het hom baie goed van sy taak gekwyt. Kan ongelukkig nie dieselfde van sy passasier sê nie. Wat vir my net opvallend is ……… dis ‘n ongemerkte Land Cruiser. Hoe het die rowers geweet daardie voertuig vervoer geld? Inside job?
Dit was sy passasier se 4de dag op die job en die eerste keer wat hy in so situasie was. Kom ons gee hom ‘n kans.
Sjoe. Die man het regtig nie geweet wat om met daai geweer te doen nie! Miskien moet die maatskappy dan na hul opleidingsmetodes kyk? Daai geweer moet jou partner wees in alle omstandighede.
Hul opleiding is baie goed, onthou dit was ‘n eerste vir hom. Ek glo as daar weer so situasie opduik gaan hy beter weet, mens leer deur ondervinding. Meeste mense sou nie anders as hy opgetree het nie. Mens kan ook nie verwag dat hy na 4 dae soos pro moet optree nie.
Daardie man langs hom het dit verwag…. hy was vreesloos…. ek ook nogal sy reaksie dopgehou, hy nie eens probeer bel of niks op daardie cell nie…
Al persoon wat werklik iets beteken het was die bestuurder van die Land Cruiser.As niemand gevang is nie was die Polisie nie goed genoeg nie.Jy kan nie iemand prys vir swak werk nie.
Die polisie wil ons wapens, jag wapens en handwapens vat maar “Our people” hardloop rond met onwettige AK-47’s…
Die Wilde Weste lyk soos ‘n sondagskoolpiekniek! Alles word net by die dag erger.
Die kritiek op die polisie is lagwekkend. Almal weet altyd van beter maar kan die werk self nie gaan doen nie.
Die polisie is lagwekkend.
Wel die ou se eerste instink was “call Robie” nie ” bel die polisie” nie…dit sê nogal iets van die mense wat ons almal so gretig in ons huise toesluit op bevel van n diktatorskap. Jammer maatjies maar die Polisie het hulself ons vyhand gemaak, lockdown, maskers dra, jaag ons van strande af, mag nie brood verdien nie, vat ons wapens, noem maar op.
Ons moet darem onthou dat die polisie lede nie die reëls gemaak het tydens lockdown nie. Die hoed het. Maar ek wonder ook hoekom niemand in hegtenis geneem is nie.
Die arme passasier het homself byna geknoop met die geweer.
Hulle behoort met opvoukolf gewere uitgereik te word.
En toe sit hy maar en speel met sy selfoon terwyl die voertuigbestuurder gou sy salaris verdien.
Indien die LC nie n radio het nie kon hy nie maar vir hulp bel nie, of het hy gou vir sy maatjies getweet?
Neewat, sonder sulke “hulp” kan n voertuigbestuurder klaarkom
as ek my nie misgis nie het die drywer vir hom gevra om vir Robbie te bel – so nee hy het nie op sy cell gespeel nie hy het iemand probeer bel en as jy mooi luister – sal jy hoor hy sê dat daar geen geen sein is nie.
Weereens…. dit was die passasier se 4de dag op die job en sy eerste ervaring van die tipe situasie. Gee die ou ‘n breek. Hy het daai dag ervaring opgedoen wat enige normale mense nie mee gekonfronteer word nie. Dit was sy 3de dag saam Leo en hy het als gedoen wat daar vir hom gesê was om te doen. Ek is seker Leo was tevrede met sy vordering alles in ag genome.