Jurie Hendrik (Danie) Joubert van Lephalale (Ellisras) in Limpopo word sedert Donderdag vermis.
Charmain Robbertse, ʼn vriendin van die familie, het Saterdag aan Maroela Media gesê Danie was Donderdagoggend op pad werk toe en is laas by die Sasol-vulstasie in Lephalale gesien.
Sy motor, ʼn groen Uno met die registrasienommer FPK935NW het ook spoorloos verdwyn.
Danie is getroud met Terri en het twee kinders, ʼn driejarige en ʼn sesjarige.
Enigiemand met meer inligting oor waar Danie homself bevind word versoek om Terri te skakel by 072 860 1613 of Charmain by 076 714 5167.