Embriologiekenner gaan getuig in tugsaak teen dokter wat aborsie glo afraai

Dr. Jacques de Vos (32).

ʼn Dosent in menslike anatomie en embriologie is een van die getuies wat die verdediging na verwagting gaan roep in die Raad vir Gesondheidsberoepe (RGB) se tugverhoor van dr. Jacques de Vos (32).

Die RGB kla De Vos van onetiese gedrag aan, nadat hy ʼn swanger ma meegedeel het dat haar ongebore baba ʼn mens is.

Die saak teen hom sloer al jare lank. Dit moes aanvanklik op 3 en 4 Oktober in Kaapstad hervat word, maar is nou wéér uitgestel – dié keer tot 28 Oktober, omdat die RGB versuim het om sekere dokumente aan De Vos se regspan te voorsien.

De Vos was ’n intern by 2 Militêre Hospitaal in Kaapstad toe die hospitaal hom geskors het van sy ginekologie-rotasie omdat hy aan swanger ma’s gesê het dat hul ongebore babas mense is.

Dr. Christopher Warton, ʼn senior dosent aan die Universiteit van Kaapstad, gaan onder meer getuig dat die lewe van ʼn onafhanklike, menslike organisme biologies reeds tydens bevrugting begin.

“Die genetiese kode word op hierdie tydstip saamgestel en gevolglik word die toekomstige fisieke eienskappe daarvan presies gedefinieer. As ʼn mens dus op hierdie tydstip die DNS kon lees, kan hy die volwasse vorm so noukeurig voorspel as wat dit sou lyk deur die identiese tweeling van die volwassene te ondersoek as [ʼn tweeling] wel bestaan.

“Daar is geen spesifieke gebeurtenis wat die ontwikkelende fetus op 19 weke definieer nie. Sy hart het begin klop ná 24 dae van embrionale ontwikkeling (3 ½ weke). Vroeë breinontwikkeling is teenwoordig teen vyf weke, vingers op sewe weke en tone ʼn week later.

“Sommige fetale bewegings word deur sommige vroue ervaar tydens hul eerste swangerskap op die 18de tot 20ste swangerskapsweke, wat ooreenstem met 16 tot 18 weke van die ontwikkeling van die fetus,” lui Warton se beëdigde verklaring.

Hy sê daar kan wetlik of filosofies gedebatteer word oor sy of haar status, maar dit is heeltemal redelik vir iemand wat só ʼn fetus sien om hom of haar as ʼn klein mensie te beskou.

“In my ervaring is dit ʼn normale reaksie wanneer daar na ʼn fetus gekyk word.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

76 Kommentare

jongste oudste gewildste
Regs!

Sterkte aan Dr de Vos. Hoop jy wen die saak.

Susan

Dr de Vos, ek is baie trots op jou en mag jy die saak wen.

Ronel

Sterkte dokter!!! Ek wonder hoe verwys daai mense na hul ongebore baba’s. Hetsy jy die geslag weet al dan nie. My oudste het ons vroeg al die geslag geweet, so ek het na my seun verwys. Jongste wou not a dem “wys” nie, maar ek het na my kind verwys, al het ek vermoed dis ook ‘n seuntjie. As daar ‘n hartklop is, dui dit op lewe, so dis alreeds ‘n mens in my oë. Elkeen is geregtig op sy of haar opinie, maar ek wil rerig graag weet, hoe verwys hulle na hul ongebore kind? Dit? Die ding? As… Lees meer »

Susan vl

Dr ht mos ook n reg… vertrou jy wen saak.

Valerie

Dr de Vos . . . wat ‘n man!