Foto ter illustrasie. Foto: Johannes Rapprich/Pexels.com
Mediese dokters, ingenieurs, onderwysers, vakmanne en afgestudeerdes – dit lyk of talle vaardige en opgeleide Suid-Afrikaners nou opnuut hul tasse pak om hulself in die buiteland te gaan vestig.
Hoekom wil hulle groener weivelde gaan opsoek? Die redes wat aangevoer word, is ʼn hoë misdaadsyfer, verlies aan werksekuriteit en ekonomiese onsekerheid wat hulle dryf na lande soos die Verenigde Koninkryk en Australië.
Hoeveel mense verlaat die land en watter impak het die verlies aan broodnodige vaardighede op Suid-Afrika? Maroela Media het die kwessies gaan ondersoek.
Die mening van beroepslui
Altesaam 42% van gegradueerde beroepslui wat aan ʼn PPS-peiling deelgeneem het, het gesê hulle kry nie in Suid-Afrika werk wat by hul vaardighede pas nie en wil daarom oorsee werk gaan soek.
Die versekeraar vir beroepslui, wat ingenieurs, medici en rekenmeesters insluit, het in Januarie ʼn peiling onder 5 837 van sy lede saamgestel. Die peiling het getoon die aantal gegradueerde beroepslui in onder meer die mediese, rekenkundige, regs-, ingenieurswese en korporatiewe bedryf wat toegewyd bly tot ʼn loopbaan in Suid-Afrika het afgeneem, al word die behoefte aan hul vaardighede net groter in die land.
Motshabi Nomvete, PPS se hoof van tegniese bemarking, sê 43% van die respondente was erg bekommerd oor politieke kwessies, terwyl 27% hulself oor die ekonomie bekommer.
“Volgens ons peiling oorweeg Suid-Afrika se geskoolde beroepsmense toenemend die opsie om te emigreer aangesien hulle die finansiële vermoë het en gekwalifiseerd is om te gaan,” sê Nomvete.
Sy meen dié neiging het verreikende implikasies vir die ontwikkelingsdoelwitte van die land.
“Geskoolde beroepsmense het ʼn kritieke rol in die werksomgewing, asook in die vorming van die toekoms van Suid-Afrika. Hierdie mense is gewoonlik ook die belangrikste bydraers tot die land se belastinginkomste.
“As die aantal hoogs geskoolde beroepmense verminder, word dit ook in die inkomste weerspieël wat deur die Suid-Afrikaanse Inkomstediens ingevorder word.”
Dit is iets wat BankservAfrica beaam. Hulle ontleding van data oor alle salarisse wat deur hul stelsel vloei het getoon die aantal salaristrekkers het in Februarie met 9,1% gedaal.
Die maatskappy bedien banke, maatskappye, die regering en die kleinhandelbedryf.
Luidens ʼn maandelikse indeks van besteebare inkomste lyk dit of talle mense in veral die hoër inkomstegroepe die stelsel verlaat.
Dit was in Februarie ook al die agtste opeenvolgende maand dat dié neiging voortduur.
“Die data wys dat daar minder mense is wat werk en dat minder belasting dus in totaal betaal word. Dit kan beteken invordering van persoonlike inkomstebelasting sal waarskynlik in die nabye toekoms teleurstellend wees,” het die maatskappy gesê.
‘Huis te koop; ek emigreer’
Volgens FNB se eiendomsagentepeiling het 14,2% van alle mense wat hulle huise in die eerste kwartaal van 2019 verkoop, emigrasie as rede aangedui.
Dit is ʼn skerp styging van die 10% in die vierde kwartaal van 2018 en die syfer het verdubbel sedert 2017.
Volgens die peiling is verkope weens emigrasie algemeen aan kusstreke en in luukse woonbuurte. Sowat 18,8% van superrykes het aangedui hulle verkoop om te emigreer.
Dit maak emigrasie nou die derde grootste rede waarom mense hul huise in Suid-Afrika wil verkoop. Die twee ander algemene redes is steeds dat mense na ʼn kleiner huis afskaal namate hulle ouer word of moet afskaal omdat finansiële nood hulle daartoe dwing.
Biddulphs, ʼn verhuisingsmaatskappy, het aan Carte Blanche in ʼn onlangse insetsel oor migrasie gesê hulle het in 2013 nog 15 Suid-Afrikaners teruggebring vir elke tien wat geëmigreer het.
Owen Farmerey, uitvoerende hoof van die maatskappy, sê nou emigreer 45% meer van hul kliënte as in 2015. Volgens hom is die gewildste bestemmings Brittanje, Australië, Nieu-Seeland en die VSA.
Syfers en redes
Sihle Mthiyane, waarnemende beleidshoof vir die departement van binnelandse sake, het erken daar is ʼn toename in Suid-Afrikaners wat die land verlaat om hulle in ontwikkelde lande te gaan vestig.
Mthiyane sê daar is egter geen akkurate syfers wat verskaf kan word vir hoeveel Suid-Afrikaners die land in die laaste vyf, of selfs tien jaar verlaat het nie.
Die stelling word deur Africa Check beaam wat sê dit is moeilik om akkurate syfers vir emigrasie te verskaf aangesien emigrante sedert 2003 nie meer die B1 117-vorm hoef te voltooi as hulle die land deur een van die drie grootste internasionale lughawens verlaat nie.
Die departement het in 2017 ʼn witskrif oor emigrasie gepubliseer waarin aangedui is swart professionele mense verlaat die land nou in selfs groter getalle as hulle wit landsgenote.
Africa Check het bevind die witskrif het op syfers van 2006 staatgemaak en op ʼn vooruitskatting gewerk dat die getal jaarliks met 9% sal groei.
Baie van die private organisasies wat met emigrasie werk het aan Africa Check gesê hulle meen die getalle van emigrante kan veel hoër wees.
Tog lyk dit of die buiteland akkurate syfers oor Suid-Afrikaanse inkomelinge byhou.
Australië sê 162 448 Suid-Afrikaners het teen 2016 in dié land gewoon en 67% van hulle het oor ʼn tersiêre kwalifikasie beskik.
Maroela Media het in Januarie ʼn meningstuk van Johannes Wessels, die direkteur van The Enterprise Observatory of South Africa, gedra waarin hy aangevoer het vir elke een geleerde wat na Suid-Afrika immigreer, emigreer agt geleerde Suid-Afrikaners.
Wessels het gesê een van die grootste redes wat emigrasie dryf is die regering se beleid van swart ekonomiese bemagtig (SEB).
In die meningstuk het hy gevra of Tito Mboweni, minister van finansies, gebruik sal maak van sy raadgewer, die Harvard-ekonoom Ricardo Hausmann se destydse raad oor SEB. Hausmann, bekend vir sy kundigheid oor mislukte state, het die regering al aangeraai om onder meer ʼn klousule in te stel van wanneer SEB afgelas sou word.
Die raad is egter geïgnoreer en die administrasie onder oudpres. Jacob Zuma het SEB en regstellende aksie met selfs groter ywer nagejaag.
Mooipraatjies sal nie emigrasie keer nie
Mthiyane het aan Carte Blanche bevestig sy departement is bekommerd oor ʼn tweede breinkwyn.
“Suid-Afrika benodig geskoolde en professionele beroepslui as ons in die land se plaaslike ekonomie wil belê.”
Nomvete meen as soveel mense uit die professionele beroepslui die land wil verlaat, is dit ʼn krisis wat elke landsburger bekommer moet laat. Sy glo egter ook die breinkwyn kan omgekeer word as die regering met die private sektor saamwerk.
“In die beste vooruitsig kan Suid-Afrika se talentvolste mense dalk selfs terugkeer.”
Alana Bailey, uitvoerende adjunkhoof van AfriForum, sê as die regering regtig ernstig is om emigrasie te keer of dit wil omdraai, sal dit konkrete bewyse moet verskaf dat Suid-Afrika besig is om te herstel.
“Mooi beloftes sal nie help nie. Mense is bekommerd oor eiendomsreg, loopbaangeleenthede, rassekwotas, kaderontplooiing, tenderpreneurs en die vernietiging van sakegeleenthede.
“Die kwessies weeg swaarder wanneer hulle besluit om te emigreer of na Suid-Afrika terug te keer.”
Bailey sê die burgerregte-organisasie het sedert sy ontstaan noue verbinding met Suid-Afrikaners in die buiteland.
“Die meeste van hulle wat op AfriForum se peilings reageer, droom daarvan om na Suid-Afrika terug te keer, maar dink nie dit is sinvolle opsie as hulle gebeure in die land dophou nie.”
Hoe meer kundiges die land verlaat, hoe minder werks geleenthede gaan daar wees. Kundiges, en mense met geld skep werk, nie die staat nie.
Ek en my vrou ook oppad Australië toe. Word wakker asb, ons avontuur in Afrika is verby. Die tuiste van die meeste van ons is elkgeval in die hemel by die Heer. Ek weier om verder my kundigheid hier te vermors en my pêrels voor varke te gooi.
Dit is hartseer maar dit is ons keuse.
Vir baie ouer mense is dit bykans onmoontlik om nou te wil skuif. Maar mense moet hul kinders en kleinkinders aanmoedig om te gaan. Sodra hulle gevestig is, skep geleenthede vir ander familielede om te volg. Gebruik wel die geleenthede hier om jouself so goed moontlik te kwalifiseer. Indien moontlik, studeer ook aanlyn deur erkende buitelandse universiteite.
Baie ontstellend vir die wat nie kan nie.
Die van ons wat nie kan nie sal moet hard redeneer vir n tuisland, maar uit sal ons moet uit.
Beste besluit ooit!!! ons gaan verseker jou voorbeeld volg.Mens het net een lewe , n ander land sal dit wardeer en jou kundigheid kan gebruik.
Ai, hoe wens ek dat ek ook hierdie land kon verlaat…
Daar is nog hier en daar werkgeleenthede. Die groot probleem is egter dat omtrent orals waar jy werk is die ou in beheer onbevoeg maar het die werk gekry omdat hy die regte kleur of ń kader is. Drie van my vier kinders is reeds landuit saam met my enigste twee kleinkinders. Die oorblywende seun en sy vrou vertrek ook teen die einde van die jaar oorsee. Almal het goeie beroepe en doen ongelooflik goed in hul loopbane oorsee. Alhoewel ń mens verlang na jou kinders kan jy hulle nie dit ontsê wat hulle nou het nie want hulle toekoms lyk baie beter as hier in SA onder die verpestelike ANC spul.
Ken die gevoel, kinders met grade nou in NZ. Nou word vakansie nie meer in SA spandeer nie, maar in ‘n ander land se ekonomie.
Blanke gegradueerde vrou al 14+ maande sonder werk. Onderhoude kom en elke keer van die top kandidate. Maar ….. wanneer aanstelling gemaak word dan kom SEB maar net weer ter sprake. Totsiens liewe RSA
@ Nogeen landuit: haal jou grade van jou CV af. ek het dit gedoen. Ek het 4 jaar se studies waarin ek 2 grade verwerf het, verander na 3 jaar wat bloot aandui “I studied”. die ander studiejaar het ek aangedui as n ekstra jaar militere diensplig. NIEMAND het my ooit oor hierdie “leuens” op my CV uitgevra nie. Niemand het ook ooit gevra wat ek in daardie 3 jaar gestudeer het nie. uiteindelik het ek weer ordentlike werk gekry.
Die SA ekonomie is aan die kwyn. Groot maatskappye is onder finansiële druk, sny plaaslike investering, verminder personeelgetalle en belê eerder in die buiteland. Ramaphosa se plan om buitelandse beleggers te lok kom nie van die grond af nie. Dit sal emigrasie verder dryf. Vir dié wat agterbly gaan belasting ‘n nagmerrie word, want die ANC se sosiale programme gaan baie kos.
Ek sal ook die land verlaat met groot trane oor my gesig. Veilig lewe is baie beter as om altyd oor jou skouer te loer. Die Ekonomie is n gemors.
As jy geld het om hierdie land te verlaat sal jy dom wees om dit nie te doen nie, soos reeds gese, die blankes se dae is getel in hierdie land. Ek sou maar het nie die geld dasrvoor so sal maar moet vasbyt.
Ons gn aanbly in zambia as ons klr gewerk het hier,sien nie kans om vermoor te word nie.my seun al in NZ ,hopenlik my dogter volg..geen toekoms vir ons blanke volk meer hier nie
Ek wonder altyd as mense sê hulle het nie geld om te emigreer nie. Ons het dit gedoen en was nooit ryk nie. Ons het ons “townhouse” verkoop en met die geld getrek. Daar was nie baie nie geld nie. Genoeg vir visas en vlugte. Dit is doenbaar as jy hereid is om oor te begin. Ons huur nou n huis en ek het n kar gekoop vir £500. Ons was nie ryk nie maar ons het kwalifikasies. Kwalifikasies wat my niks gehelp het in SA nie. Was 18maande werkloos en vir 300 werke aansoek gedoen.
Jy kan begin google vir werk in enige ander land.Daar is massa werk in Amerika.My man diep in sy 40 en hy werk op n plaas daar .Begin net soek!!!
Dis interessant dat baie van die mense wat deesdae emigreer, uit die Swart gemeenskap kom. Ook hulle kla oor misdaad en verswakte toestande in Suid-Afrika.
Ons woon al amper twee dekades in Kanada. Prentjieboek mooi omgewing en ons 18-jarige kleindogter kattemaai tot laataand sorgeloos saam met haar maats op die strande, in die inkopiesentrums en by vermaaklikheidsplekke. Sy kan tien-uur saans ‘n plaaslike gym alleen besoek sonder dat ons ons vrek bekommer.
Ek vergelyk my en my man se lewens as bejaarde pensioenarisse met dié van ons familie en vriende in Suid-Afrika en daar is groot verskille. Veiligheid is ‘n gegewe. Ons weet ‘n ambulans sal arriveer binne minute na ons 911 oproep. Vir ons is alle mediese sorg gratis en die diens is puik.
Lewenskwaliteit is sonder gelyke.
Ons kan verstaan waarom mense emigreer. Vir ons kinders was dit beroepsgeleenthede waarvan die meeste maar net kan droom. Ons dogter het ons geborg, en daarom kan ons oudword tussen ons geliefdes.
Hi Cathy. My twee kinders will ook na Kanada verhuis. Ek verstaan daar is baie werk geleenthede. Ek wens ek kon saam met hulle.Sterkte daar julle is beter af.
Dis vir my ‘n skok om te lees dat professionele swart inwoners ook emigreer nee,nee,nee!!!
Ons is pensionarisse met kinders in Australië en oorweeg dit selfs nou nog sterk om daarheen te gaan.
Bekommerd dat ekonomiese en sosiale agteruitgang van RSA en hoe dit ons in kort tyd wat oor is ons besonder nadelig persoonlik individueel gaan raak.
Die lewe is niks werd in SA nie
(verwys Putfontein sinnelose moorde afgelope paar dae), maar veral nie as jy dalk ‘n sagte, blanke teiken is nie.
Stem saam KP . Het nie die geld. Ouderdom tel teen my. Ek moedig die kinders aan om te gaan,” Terwyl hulle nog n kans het.
“Cry the beloved country”!
Die liedjie “My Afircan dream” is dan so ‘n pragtige song.
Die Beloofde land is nou die Beroofde land.
My wens is dat die goeie mense elders sal kan vestig en dat die boses en hul ondersteuners alleen sal agterbly. Mag hul mekaar uitroei!
Ook oppad VSA toe! My kinders verdien beter. Dit is nie net mense met geld wat die land verlaat nie, maar ook mense met die regte vaardighede. Wie oor 10 jaar vir daardie lang Sassa rye gaan opdok, wil ek nog sien. Hierdie soustrein gaan ontspoor…
Julle moet net jul SA burgerskap opgee. Die SAID wil Suid Afrikaners wat in die buiteland woon en werk nou vasvat om belasting hier te betaal, al woon hulle in die buiteland.
Ons is ook oppad binnekort Zambia toe.
Sê bietjie asb wat gaan aan in Zambië. Nuuskierig,nie geweet dit is ‘n opsie nie.
Daar is baie geleenthede in Afrika. Sommige lande beweeg ekonomies vinniger vorentoe as SA. Om Afrikaners in Afrika raak te loop raak deesdae algemeen. Moet net nie skelm wees nie.
Ja Nee as ek ook finansieel kon, het ek lankal gewaai, hierdie is nie meer my land nie. Dis die land vd ANC EN EFF. En dan floreer die kubaanse Dr’s en ingeneurs in staat. Hul Kry als gratis en verniet. So ek sit op die oomblik hier omdat ek mut ni oor ek wil ni.
Daar is ‘n groot aanvraag vir vakmanne in die buiteland. Kanada het die meeste gegradueerdes ter wêreld, maar hier is ‘n nypende tekort aan elektrisiëns, loodgieters, skrynwerkers, ens.
Waarom kyk jy nie of julle kwalifiseer nie?
https://www.canada.ca/en/immigration-refugees-citizenship/services/immigrate-canada.html
1) Wat vir jy ‘n tragedie skep is dat jonger mense emigreer terwyl , soms reeds bejaarde, ouers noodgedwonge in hierdie ” slegte” land moet agter bly.
2) Hoe meer mense hierdie land verlaat hoe meer krimp ons getalle.
Ek het my tyd in sa gemors, moes 20 jaar terug die skyf gemaak het.
Swart meerderheid regering is besig om te vaal.. FW se briljante plan ontrafel nou totaal. Demokrasie was nooit bedoel vir Afrika nie.
Ek wag net vir my Australia visums dan is ek en my familie ook hier uit. Om te dink daar was n tyd toe ek my lewe moes waag op die grens vir hierdie land…..en kyk wat het “our people “ daarmee gedoen.
Kuier huidiglik in die VSA.Broer is al 25 jr hier en my suster 18 jr.So jammer dat ons ook nie plan gemaak het in 2001 toe ek noodgedwonge my werk moes los op 51 jarige ouderdom.Dit was deels toegeskryf aan regstellende aksie en die weiering om persoon in my pos op te lei.Ek wil huil as ek hier waarneem hoe goed mense behandel word in elke denkbare vlak in die samelewing.In SA dink sekere mense hul doen jou ‘n guns as hulle jou bedien.Dink nie alles is volmaak hier in Kansas nie,maar dis 98 % beter hier.Sien geen silver randjie nie,maar net God se genade wat die beskaafdes van alle rasse sal deurdra.Daar is goeie mense al is hulle min.Groete in Christus ons verlosser.
Tussen my en my man het ons 5 universiteitsgrade… Oor 10 weke vertrek ons na Kanada om te gaan kyk hoe die lewe daar sal wees. Ons kinders is nog klein… hier gaan absoluut niks wees wanneer hul klaar is met skool. Ek wil nie regtig trek nie, maar vir my dogtertjies se veiligheid en geleenthede in die lewe… ons het nie ‘n keuse nie!
Kom gerus, ons is al 3 jaar in Kanada en dis die beste land in die wereld. Jy sal nooit spyt wees nie.
Reeds 21jaar in Australië, kinders (goed opgeleide persone) en kleinkinders floreer. My raad is: Kry die regte Visa’s en trek so gou as moontlik, vergeet van werksoek voor jy kom en weet dis nie altyd maklik om vriende en familie in RSA te los nie, weet ook dat jou kleinkinders waarskynlik nie Afrikaans sal praat nie. Wees bereid om voor te begin en hard te werk. Met geloof is alles die moeite werd, Sterkte!
Oom Effie en Oom Roelfie se nalatenskap !
As julle tog net wou verstaan… daar is wigte en teenwigte.
Ja ons het dit gesien op Beloftes Versveld. Een wig is die Groot Vertoon, van ‘n President met sy ‘Toemaar Miena’ slagspreek en die teenwig is die realiteit van bv Eskom wat so diep in die skuld is, dat nie al die Rangers of Hilux bakkies in SA hom weer daaruit gaan sleep nie.
Afrika moor en verwoes al vir 60 + jaar. Kyk die dokumeteer ” Blood and guts Africa ” oppas dit is verseker nie vir sensetiewe kykers nie!
Die beste tyd om te emmigreer is as jy rondom 30 jaar oud is. Ek het geskyf toe ek 45 jaar oud was en moes n 50% pay cut vat. Dit was amper soos om bankrot te wees en oor te begin. Nie maklik nie, na dese dink ek dit is die bang mense met goeie kwalifikasies wat in SA bly en nie ry. Hoe ouer jy is, hoe moeiliker. Ek het onlangs weer in SA kom kuier, net om te besef die beste van die vakansie was om weer in Auckland te land. SA sien my NIE gou weer nie. Ek was n sivile ingeneur wat op meeste van Suider Afrika se kritieke infrastruktuur gewerk het. As jy oorweeg om te emmigree moet jy dit gou doen, die deure is besig om al hoe meer toe te maak, maar doen eers jou huiswerk asseblief, emmigrasie kan ook jou lewe verwoes. Dit is n uiters moeilike besluit en seker die tweede grootste besluit in jou lewe, die eerste was om Jesus te vra on jou te help.
Sterkte, julle het dit nodig.
Dit is hoe n volk soos die Afrikaner sal oorleef. Ons klou nie vas aan dit wat was nie. Ons begin nuut en vry en ons beweeg vorentoe, ons emigreer teen tempo hewig, omrede die tyd waarin ons lewe dit nou meer as ooit tevore van ons vereis!
Ja dan voel hy so belangrik as hy op loftus sit en kyk wat hy aan ons gedoen het
Hulle is trots op hulle kaderskap. Ek dink altwee het ANC lidmaatskap
Jy het nie regtig baie geld nodig omte immigrate nie. Ek en My vrou het nie eiendom gehad in SA omte verkoop nie, toe ons besluit het ons wou land uit. Ons het ons kare en meubles verkoop. Vir omtrent 3 maande by haar ouers gebly. Genoeg geld bymekaar gemaak vir vliegtuig kaartjies en wat oor was na dat ons die vliegtuig kaartjies gekoop het in Aussie dollars omgesit. My vrou het klaar n werk gehad wat vir haar gewag met ons aan koms in Australië. As jy kwalifikasie het ,dit is baie werd in Australië. My vrou is n nurse en ek is n auto electrician. Ons het net genoeg geld gehad vir n deposit vir n huur huis en die eerste maand se huur en bietjie kos. n Week na ons aankoms het Sy begin werk en in die tweede week het ek n werk gekry, and the rest was history. Ons is baie dank baar dat ons kwalifikasie gehad het want dit was definitief ons tickets uit SA uit. As jy n kwalifikasie het wat ander lande benodig dan is die sky the limit.
Die berig is baie na aan korrek in hul aannames.
Ek lees ook die kommentaar en dit is nogal dieselfde. Ekself is nou amper 30 jaar landuit. Baie het my ‘n banggat, lafaard, weg-hardloper ens genoem. Nee, ek is nie een van die bogenoemde nie, het baie van my tyd in die bos-oorlog afgetsaan. My kinders was klein en hul toekoms was my eerste belang.
Tog ook baie opvallend, met verwysing na die pas afgelope verkiesing, dat die meeste mense wat in die buiteland gestem het tog VIR die anc getsem het. Nou waarom emmigreer as hulle nog vir die anc stem?
Dit laat my maar net wonder!!!!
In die buiteland sien ek baie Suid Afrikaners, die van Europese afkoms en die van Nie-Europese afkoms. Hoe ken ek hulle uit? (1) Sommige praat Afrikaans (2) daardie Afrikaanse-engels (3) van die lokale Afrika tale soos Sotho.
En die “ultimate” (4) Trots dra hulle daardie anc t-hemde, selfs ‘n paar met eff t-hempde en kepse gesien.
Wat maak die mense in punt (4) in die buiteland? Asseblief verduidelik vir my!
Het 30 jaar gelede geleentheid gehad maar nie gevat om Australië toe te gaan. Vandag baie spyt.
Ous kollega van my het November 2018 na New Zeeland to emigreer. Hulle is twee keer beroof en ernstig beseer. Hy het gesê hy will nie sy twee dogtertjies in die omgewing laat grootword. RSDA het ‘n groot tegniese llemte onderving in ‘n beroep rigting wat byna geen tegniese mense oor het nie. Ek is te oud om ‘n werk oorsee tekry. Tree oor ‘n jaar af.
Ek is een van die wat my tasse gepak en gegaan het. Ek hoor daagliks dat mense se “as ek maar net kan”. Wel die waarheid is niemand “kan” nie maar sekeres wan ons vat die kans. Ons is landuit met slegs 46kg se klere, dit is al. Vandag het ons alles wat ons agtergelaat het vervang, met beter kwaliteit. Ons ouers was die Voortrekkers. Was dit vir hulle lekker om alles te los en te trek? Ek glo nie so nie maar hulle is vort met hulle tasse op n ossewa! Meeste mense het nou al 25 jaar gehad om n plan te maak en as jy nou nog nie het nie dan moet jy nie kla oor wat in SA aangaan nie.
Zambie n wonderlike land en blankes welkom. Voel baie veilig, die mense vriendelik en daar is plaaslike banke en besighede.
Lusaka modern met groot “malls” en die grootste graanboer wat al jare daar woon blanke Suid Afrikaner.
Botswana dieselfde. Hulle verdra ook geen korrupsie en diefstal nie. Geen wonder die Pula is sterker as die Rand nie. Blanke graan boer het eendag vir my gese dat die destydse president Sir Seretse Khama (die pa van Ian Khama) het gereeld met sy motor plaas toe gekom om dankie te se vir sy insette!
In Namibia vier ons pas Hemelvaart wat nog by ons n openbare vakansiedag is. Ons Regering gee die blanke spasie en mors nie met die blankes nie.
Suid Afrikaners kan wel hier woon as hulle n sekere bedrag geld die land inbring en bewys dat hulle nie n las op die Sosiale sisteem is nie.
In Ghana gee die Regering landbou grond op huurpag en stel belasting vry vir invoer van masjiene ens. Hulle moedig ook blankes aan om te hervestig daar. Baie mooi land.
En die regering juig…
Jy kan emigreer met min geld
Ek het die land verlaat met n tas klere en hier in Thailand kom bly waar ek nou 5 jaar woon. Jy moet net bo 50 wees
Kan huis koop onder sekere omstandighede en die lewe is goedkoop en totaal misdaad vry.
Het hier waar ek op die platteland woon nie eers sleutels vir my huis en my motor staan onder die afdak met die sleutel in die motor.
Sal nie weer in SA woon. Was nou op n 6500 km rit deur sa en gesien hoe die land agteruitgaan
Malaysia is ook n land waar jy n 10 jaar visa kan kry sonder enige kwalifikasie solank jy net genoeg geld het om vir jouself te sorg.
Die mense is uiters vriendelik en hier is geen spanning nie.
Visa word jaarliks hernu met baie min probleme
Ek het nou deur al die kommentare gelees en vind dit baie interresant hoe my mense oor die wereld versprei is. Ek is in die eiendoms bedryf en besig om die duisende “trekkers” te help om landuit te kom. Baie insiggewend dat 9/10 eiendomme wat op die oomblik in die mark is, is op pad uit. Net van gister tot vandag 3 eiendomme in die mark gesit en al drie verlaat die land. Ek is n Afrika-kind en sal beslis nie verder as Botswana gaan sodra die regte tyd kom, en dit lyk nie meer baie ver nie. Wens elkeen van julle wat reeds in die buiteland gevestig is en die wat op pad is net die beste toe. Ons bly op ons kniee vir elke een van julle.
Almal kán immigreer. Google “south Africans in Paraguay” .Dis die nuwe SA “hub”
Ons is baie gelukkig in NZ. Huis is verkoop en ons immigreer finansieel om die ‘double taxation’ vry te spring in 2020 .