En die DA se nuwe leier van die Wes-Kaap is…

Argieffoto

Argieffoto

Die nuwe leier vir die DA in die Wes-Kaap is Saterdag bekend gemaak.

Die aankondiging is tydens die party se kongres in Goodwood, Kaapstad, gemaak.

Patricia de Lille, die burgemeester van Kaapstad, is as die nuwe leier verkies. Die stryd was tussen De Lille en adv. Lennit Max, lid van die provinsiale wetgewer.

Meer as duisend afgevaardigdes het die kongres bygewoon, waartydens hulle vir die nuwe leier gestem het.

Mmusi Maimane, die DA se parlementêre leier, het vroeër Saterdag tydens die kongres aangekondig dat hy ʼn benoeming aanvaar om as DA-leier te staan.

Hy het gesê hy sal ʼn sterk veldtog voer om by die party se huidige leier, Helen Zille, oor te neem.

Maimane (34) het gesê hy is in die veldtog om dit te wen en dit is sy kans om hoop in die land se toekoms te herstel.

Zille het Sondag tydens ʼn perskonferensie in Johannesburg aangekondig dat sy nie beskikbaar is vir herverkiesing nie.

Patricia de Lille, burgemeester van Kaapstad

Patricia de Lille, burgemeester van Kaapstad

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

20 Kommentare

jongste oudste gewildste
Frik Lotz

Die DA voel vere vir minderhede en minderheidsregte. Die Afrikaner se stem is goed genoeg by verkiesings maar daarna word hy eenkant toe geskuif en van vergeet. Waar was die DA toe ons standbeelde gevandaliseer is deur die EFF? Dit gaan nie help om nou iets daaroor te sê nie. Minderhede moet hul oë begin oopmaak oor wie die DA werklik is.

Freddie

Ek is onseker wat jy bedoel met “token”. Patricia is alles behalwe ‘n “token”. Sy is ‘n suksesvolle leier in eie reg. Of verstaan ek jou opmerking verkeerd?

Ian

Die DA is n wolf in skaapsklere.

Die plan

Ha Ha! ook genoem DIE PLAN!

JoeV

Natuurlik ‘n groot voorstaaner vir my kultuur en erfenis.