En Mej. Wêreld is …

Manushi Chhillar is Saterdag as mej. Wêreld gekroon (Foto: Twitter)

Manushi Chhillar, Mej. Indië, is vanjaar gekroon as die mooiste in die wêreld nadat sy met die titel van Mej. Wêreld weggestap het.

Chhillar is Saterdag by die Crown of Beauty-teater in Sanya in China as die wenner aangewys.

Mej. Engeland, Stephanie Hill, en Mej. Mexiko, Andrea Meza, is onderskeidelik as eerste en tweede prinses aangewys.

Adé van Heerden (25), wat in Maart vanjaar as eerste prinses in die Mej. Suid-Afrika-skoonheidskompetisie aangewys is en Suid-Afrika in dié kompetisie verteenwoordig het, was onder die top-10. Die skoonheid kom egter nie terug met geen toekenning nie – tydens die uitdrunrondes het sy onder meer die “Beauty with a purpose”-toekenning gewen.

Van Heerden, ʼn dokter van die Wes-Kaap, het sedert die begin van die kompetisie teen deelnemers van 123 ander lande te staan gekom.

Die topvyf lande in die kompetisie was Engeland, Frankryk, Indië, Kenia en Mexiko.

“Ons kan nie beskryf hoe trots ons op Adé is nie,” het die amptelike blad vir die kompetisie op sosiale media laat hoor. “Jy het Suid-Afrika met grasie, egtheid en integriteit verteenwoordig.”

Die Mej. Wêreld-kompetisie word jaarliks deur sowat een miljard mense gekyk.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

10 Kommentare

Cherokee ·

Sy is pragtig. Haar gelaatstrekke lyk meer Europeus as verwag. Indiese meisies is absoluut net so mooi maar dit verander nie dit dat Europa glinster in Manushi, wat tog ‘n Indiese naam het. se gesig.

John ·

Sjoe, hierdie was ‘n politieke besluit. Die wenner was miskien die beste uit die bondel met die mooiste klere maar haar gesig is opvallend onsimmetries.

Anoniem ·

Sy is beeldskoon! Indieer vrouens is nou maar een maal van die wereld se mooiste vrouens.

beitjie-dom ·

Vergewe my onkunde asb maar wat is die verskil tussel wêreld en heelal. Daar kan tog nie kontinente en hulle inhoud uitgesluit word uit die wêreld maar ingesluit in die heelal nie?

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.