Entstof dalk binnekort verpligtend vir Maties

universiteit-stellenbosch

Universiteit Stellenbosch. (Foto: Facebook)

Die Universiteit Stellenbosch (US) ondersoek die moontlikheid om Covid-19-inentings vir alle personeel en studente verpligtend te maak.

Die sogenaamde inentingsreël sal bepaal tot watter mate personeellede en studente by die universiteit kan werk en studeer na gelang van hul inentingstatus.

Solidariteit Jeug het vroeër vandeesmaand gesê hy sal namens sy lede stappe doen teen enige universiteit wat poog om Covid-19-inenting verpligtend vir studente te maak. Dit volg nadat die Universiteit van Kaapstad (UK) ook voorgestel het dat inenting dalk verpligtend gemaak moet word.

“Staatsuniversiteite se doel is om tersiêre studie vir almal in die land toeganklik te maak. Deur entstofpasse by hierdie instellings in te stel ontneem universiteite sekere studente en voornemende studente die reg om onderrig te kan ontvang,” het Paul Maritz, bestuurder van Solidariteit Jeug, gesê.

“Hulle ken ook meer regte aan ander toe op grond van daardie studente se mediese toestand. Hierdie growwe skending van regte kan onder geen omstandighede toegelaat word nie.”

Volgens prof. Wim de Villiers, rektor en visekanselier van die US, het die universiteitsraad die bestuur gemagtig om aan die dringende ontwikkeling van ʼn reël oor verpligte inenting vir studente en personeellede vir die nuwe akademiese jaar te werk.

“Personeellede en studente kan gerus wees dat behoorlike prosesse ten opsigte van oorlegpleging en risikobestuur gevolg sal word voordat dié reël in werking sal tree.”

De Villiers sê dat die moontlikheid om die entstof verpligtend te maak ʼn institusionele prioriteit moet wees en dat alle personeellede en studente teen Covid-19 ingeënt moet word.

“Entstowwe is veilig en red lewens. Om die inenting te ontvang is die verantwoordelike ding om te doen, daarom moedig ons almal aan om die entstof te ontvang,” sê hy.

Altesame 518 personeellede, 2 236 studente en 1 472 lede van die publiek is sedert 10 Augustus by die US se inentingskliniek op die Lentelussportterrein in Hammanshandweg toegedien. Talle ander mense is glo reeds elders teen die koronavirus ingeënt.

Die universiteitsraad sou aanvanklik sy besluit oor die reël op 2 Desember, tydens sy laaste vergadering van die jaar, bekend gemaak het. Dié sal nou glo vroeër plaasvind.

“Aangesien dit ʼn saak van lewe of dood is, het die raad ingestem dat sy uitvoerende komitee so gou moontlik ʼn besluit mag neem om enige vertragings in verband met personeel en studente se inentingstatus te verhoed,” het George Steyn, voorsitter van die raad, gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

20 Kommentare

jongste oudste gewildste
Hendrik Marthinus

Wonderlike nuus
Kampus lewe moet vir studente onvergeetlik lekker wees
Sodoende Sal Hulle Meer aktiwiteite Kan bywoon
Dus die tyd van jou lewe wat jy net 1 keer Kan he
Well done Maties, hopenlik volg Meer instansies julle voorbeeld

Boerkind

Snert! Absolute snert! Het jy ENIGE bewyse dat verpligting en inenting besig is om te werk? Wat het van doodgewone natuurlike immuniteit geword waardeur “herd” immuniteit geskep word? En dit vir ‘n siekte met ‘n herstelkoers van 98% kom jy met jou verdelende denke…???

Desiré

Ek stem saam Casper, doen die verantwoordelike stap om jouself te beveilig, kry die inenting en hou op om jou ore vir onwaarhede uit te leen!!!

KB

Ek dink nie dit is ‘n ingeligte uitspraak nie.

Owlie

Inentings is net nog n verskoning vir ander se foute. Hierdie is nie in inrnying nie maar wel n eksperimentele indpuiting wat met rlke wave aan gepas moet word. Geen inspuiting kan covid voorkom as die mensdom in alle areas nie hul ssmewerking gee nie en as daar nie konsekwente eerlkheid te alle tye bekend gemaak word nie Elke men’s het n reg tot eie keuse en daar is altyd n 50% kans vir alles