Eskom besorg oor toename in elektrisiteitdiefstal

Argieffoto: GCIS

Die nasionale kragvoorsiener het gesê hy neem met kommer kennis van ʼn toename in elektrisiteitsdiefstal, veral in digbevolkte gebiede en dit lei daartoe dat sy toerusting onklaar raak.

Eskom wil die publiek waarsku teen onwettige verbindings, peutery aan meters en om elektrisiteit by onwettige sindikate aan te koop. Dit lei daartoe dat die verspreidingsnetwerk oorlaai word en dit veroorsaak skade aan publieke eiendom en Eskom se infrastruktuur.

“Koue weersomstandighede het daartoe gelei dat nog meer mense elektrisiteit roekeloos verbruik en plaas ons infrastruktuur onder geweldige druk. In talle gevalle lei dit daartoe dat transformators ontplof en ander infrastruktuur beskadig word,” het Monde Bala, uitvoerende groepshoof vir verspreiding by Eskom, in ʼn verklaring gesê. “Eskom verloor jaarliks miljarde rand in inkomste weens skade aan infrastruktuur wanneer die netwerk oorlaai word.”

Eskom doen ʼn beroep op sy verbruikers om die regte ding te doen en te betaal vir elektrisiteit wat gebruik word, seker te maak hulle skaf koopbewyse aan by geregistreerde verskaffers en om nie onwettig aan meters te koppel of daarmee te peuter nie, het Bala bygevoeg.

“In die geval waar Eskom se bates beskadig of gevandaliseer is weens onwettige verbindings, sal Eskom slegs die transformator vervang sodra die onwettige verbindings verwyder is. Huishoudelike meters sal ook geoudit moet word om seker te maak dit is veilig om weer verbind te word.”

Bala sê Eskom werk saam met wetstoepassers om kriminele aktiwiteit, insluitend elektrisiteitsdiefstal, hok te slaan.

Gemeenskappe word versoek om diefstal en vandalisme aan elektrisiteitsinfrastruktuur of onwettige verbindings aan te meld by owerhede of Eskom se misdaadlyn by 0800 112 722 of stuur ʼn SMS aan 32211.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Johann

Ek sal ESKOM ernstig opneem oor hulle bekommernis as hulle die boodskap in “digbevolkte area taal” vertaal en dit in dieselfde areas TOEPAS!!!!!! Of verhaal die kostes van die pokitukuste wat als verjlaar as verniet of om te vat soos jy wil.

Hendrik Marthinus

Moenie waarsku nie man.
Arresteer skuldiges, sny die onwettige kragverbindings.
Dink julle is bang want Dan gaan EFF julle aanvat.
Julle Bly waarsku maar niks gebeur nie, jy Kan die onwettige verbindings met jou blote oe sien.
Hoe kan Eskom Dan dit nie sien nie, of Wil Hulle nie.
In my oe se hulle dus ok, sit net af tussen 17:00 en 22:00

Rian

Verlaag tariewe, dan kan meer mense elektrisiteit bekostig.

piper

stuur een groot spike in daardie gebiede in wat al hulle elektriese toerusting sal opblaas.

Strandloper

Nê? Doen dan iets! Jammer die woord doen bestaan net vir sekere mense!