Eskom: Beurtkrag, kragstasieprobleme en verlies aan kundiges

André de Ruyter, uitvoerende hoof van Eskom. (Foto: Facebook)

Beurtkrag word vanaf Woensdagmiddag weer toegepas met die kragnetwerk wat steeds onder druk is weens verskeie eenhede wat onklaar geraak het en ten einde oorblywende noodreserwes te rantsoeneer.

André de Ruyter, hoof van Eskom, het Woensdagoggend tydens ʼn mediakonferensie gesê daar is ʼn verhoogde risiko vir beurtkrag. Teen die einde van die mediakonferensie, net sowat 45 minute later, is aangekondig dat fasetwee-beurtkrag van 14:00 af tot Saterdagoggend toegepas sal word weens die verlies van ʼn eenheid elk by die Medupi-, Duvha- en Kendal-kragstasie.

Die algehele onbeplande verlies aan kragopwekking beloop 15 485 MW terwyl beplande instandhouding op 4 100 MW is.

Van Eskom se probleme sluit onder meer in lekkasies in ketelbuise by die Kusile- en Majuba-kragstasie, asook die kwessie dat agt van sy 14 oopsiklusgasturbines tans in gebruik is en dit eintlik net tydens piektye ingespan moet word om dieselreserwes te spaar. Daar is intussen met ʼn ondersoek begin na die ketelbuislekkasie by Kusile om vas te stel wat gebeur het en hoe lank dit gaan vat om te herstel.

Volgens De Ruyter is dit duidelik dat nuwe kragstasies nie na wense presteer nie en dat die probleme met die konstruksie van die stasies verband hou. Hy het gesê Eskom het die regering reeds in 1998 gewaarsku dat daar meer kragstasies gebou moet word, maar dat daar nie hieraan gehoor gegee is nie. Daar is ook nou beperkings en defekte by die kragstasies wat wel gebou is aangesien daar nie behoorlike projekbestuur was nie.

Verkrygingsreaksietye is nog een van Eskom se probleme en volgens De Ruyter is daar reeds in Junie vanjaar ʼn versoek aan die nasionale tesourie in dié verband gerig, maar daar is nog geen antwoord verskaf nie.

Eskom was ook van voorneme om die naweek opwekkingsvermoë van meer as 3 400 MW af te skakel ten einde instandhouding op sewe eenhede te doen. Dit is egter nie duidelik of Eskom nou hiermee gaan voortgaan nadat beurtkrag weer ingestel moes word nie.

Oor die toenemende oproepe dat De Ruyter moet bedank, het hy geantwoord dat hy deur die raad aangestel is en dat die raad deur die minister van openbare ondernemings aangestel is. “Indien hulle vertroue in my verloor het, dan moet hulle die bande verbreek en my versoek om te gaan.”

Rakende die verlies aan kundiges by die Koeberg-kernkragstasie, het De Ruyter gesê dié mense is uiters vaardig en kundig en word deur veral Midde-Oosterse maatskappye opgeraap en salarisse aangebied van tot drie keer meer as wat hulle by Eskom verdien het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

39 Kommentare

jongste oudste gewildste
Baardman

Arme de Ruyter kan doen net wat hy wil maar hy veg ‘n verlore stryd. Hy veg teen onkunde, arrogansie en korrupsie. Heel moontlik sabbotasie ook. Sterkte.

annie

… en Koeberg se probleme gaan groot probleme word… nie ons maatjie nie. Onkundiges in kritiese
poste kan ons land lam lê. Die groot culprits loop nog oral vry rond en maak en breek soos hul wil. Wat het beter geword? Die ANC is vasgedraai in sy web van misdrywe. Moenie hulp uit daardie oord verwag nie. ‘n Paar glo kundige Kubane het ons ook al probeer. Wie nog? Dis nag.

Piet parys

Mmmm jaaaa binne 2jr is daar net generators ……… sonder diesel

Heinrich

Dankie Cyril, julle doen ‘n knap job hoor…om alles op te neuk.

Diline

Ja die Regering wou mos nie luister NOU word die skuld op Andre geplaas. Hulle het NOG NOOIT iets in stand gehou van hulle die land oorgeneem het nie. Was so besig met korrupsie om hulself te verryk dat hulle nie tyd gehad het vir “beuselagtighede” nie. Was dalk bang as hulle te veel geld spandeer is daar minder oor om te “pocket” Raak ontslae van die useless ANC regering en al hulle kaders dan gaan ons probleme dalk opgelos word.