Eskom bevestig Zim het skuld betaal

Argieffoto: GCIS

Eskom het Dinsdag bevestig dat ʼn betaling van R139 miljoen van Zimbabwe in sy rekening reflekteer, nadat die kragvoorsiener vroeër ontken het die betaling is gemaak en die buurland se minister van energie ʼn bewys van betaling op sy Twitter-rekening gelaai het.

“Eskom bevestig dat die betaling deur Zimbabwe vandag in sy rekening reflekteer,” het Eskom gesê. “Gesprekke duur voort met die Zimbabwiese kragvoorsiener Zesa om ʼn oplossing te vind vir die uitstaande skuld.”

Fortune Chasi, Zimbabwiese minister van energie, het twee weke gelede gesê Zimbabwe sal US$10 miljoen (ongeveer R139 miljoen) aan Eskom betaal, dit is nagenoeg ʼn derde van sy totale skuld aan die maatskappy, om die land se kragtekorte te verlig.

Phakamani Hadebe, uittredende uitvoerende hoof van Eskom, het Vrydag in ʼn verklaring gesê geen betaling van Zesa se uitstaande skuld reflekteer in Eskom se rekening nie.

Zimbabwe het verlede maand beurtkrag ingestel nadat die land kragtekorte ervaar het weens ʼn getal faktore, waaronder lae watervlakke by die hoof- hidro-elektriese aanleg, onstabiele kragopwekkingskapasiteit en probleme met buitelandse invoere.

Zesa skuld Eskom ʼn verdere US$23 miljoen.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

24 Kommentare

jongste oudste gewildste
Johanna Botha

So min dis n druppel in die emmer …het Soerto ook dalk al iets betaal ? !

Johanna Botha

Soweto

Paul

En môre kry hulle weer krag op grootskaal en die skuld loop weer op. Bose kringloop

Jan Alleman

Die ouens skree so hard oor die betaling, mens sou sweer hulle wou hê almal moet dit hoor. Net omdat hulle so skree beteken nie dis regtig waar nie.

Piet Pompies

en more hoor ons weer die base van Eskom het elkeen ‘n vet bonus gekry vir’n job well done