Eskom-hoof vra almal moet voorafbetaalde krag gebruik

Brian Molefe, Eskom

Brian Molefe, Eskom

Brian Molefe, die uitvoerende hoof van Eskom, het Woensdag gesê wetgewing moet ingestel word om voorafbetaalde elektrisiteit die norm vir alle huishoudings te maak.

Molefe het die staande komitee oor openbare ondernemings toegespreek en gesê meters vir voorafbetaalde elektrisiteit in alle huishoudings sal die kragvoorsiener teen elektrisiteitdiefstal en niebetaling beskerm. “Ons meen dat voorafbetaalde elektrisiteit gestandaardiseer moet word. Ons moet die koopkrag-beginsel aanvaar en miskien is die vinnigste manier om dit te doen deur wetgewing in te stel.”

Volgens Molefe sal dit die groot voordeel insluit dat Eskom verlig sal wees van die las van onbetaalde munisipale skuld, wat tans miljarde rande beloop en daartoe gelei het dat die kragvoorsiener verskeie afsluitingskennisgewings moes uitreik. “As die hele Suid-Afrika voorafbetaalde elektrisiteit gebruik, sal baie van ons probleme, administratiewe probleme, opgelos wees.”

Hy het bygevoeg dat Eskom ook nie meer geld sal verloor aan onwettige kragaansluitings nie omdat die elektrisiteit “reeds deur iemand betaal sal wees”. Hy het erken dat daar ʼn sterk weerstand teen Eskom se huidige installering van voorafbetaalde kragmeters in Soweto is en aan die komitee gesê sulke meters is Dinsdagaand by die kragvoorsiener se stoor aan die brand gesteek. “Ons kan net aanvaar dat dit gedoen is deur mense wat ongelukkig is oor die feit dat hulle voortaan definitief vir elektrisiteit sal moet betaal.”

Voorafbetaalde elektrisiteit is ook die antwoord vir munisipaliteite wat nie die vermoë het om elektrisiteitskuld in te vorder nie. Eskom kan dan bloot die munisipaliteite se gedeelte van die wins aan hulle oorbetaal. Molefe het egter wel LP’s se kritiek dat mense in plattelandse gebiede kilometers ver na die naaste winkel sal moet stap om elektrisiteit aan te koop as “geldige kritiek” bestempel.

Hoewel hy ʼn verandering in beleid kan voorstel, is daar ook steeds ʼn behoefte aan wetgewing wat die kragvoorsiener in staat sal stel om die Nasionale Energiereguleerder te nader oor die bepaling van tariewe.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

56 Kommentare

jongste oudste gewildste
Koos

Goeie idee dan hoef die huidige benadeelde minderheid nie die meerderheid bevoordeelde se krag te subsidieer nie

Johann Marx

Ek stem een honderd persent saam…laat ALMAL voorafbetaalde kragmeters kry. Op die oomblik betaal ek vir duisende ontwettige aansluitings in elke squatterkamp in my gebied, COJ het op ‘n TV program erken dat onwettige aansluitings die munisipaliteit R3 biljoen per jaar kos….wat tans uit die sakke van betalende verbruikers gesleep word. Ek self sit met ‘n rekening van R36 000,00 vir elektrisiteit waarvoor ek gefaktureer is vir 10 maande NADAT ek ‘n voorafbetaalde meter laat installeer het!!

Chantell

Sodat eskom hele land vir ride kan vat. Prepaid krag was altyd goedkoper as kabel krag maar deesdae is dit duurder jy kan net tussen 600 en 700 eenhede kry as jy daarna koop betaal jy amper R5.50 n eenheid waar kabel een prys is maak nie saak hvl jy gebruik nie en met pryse wat opgaan raak prepaid eenhede minder en duurder so almal wen behalwe verbruiker ek sal enige tyd terug gaan kabel toe met prepaid betaal ons vir al die ander wat nie betaal nie

Uys

Mnr molofe, jy slaan die spyker op sy kop.
Jy sê self dan sal die krag wat gesteel word nie ophou nie, maar wel reeds betaal wees deur iemand anders.
Is dit nie wat reeds gebeur nie.
Jul skryf Soweto se skuld af want jul weet jul sal groot skade lei.
Jou prepaid krag is duurder en wie gaan nou die bedrog kontrak kry van die prepaid meters.
Jy staan nou pa vir die prepaid bedrog wat in Pretoria stop gesit is.

Rynhardt

Die probleem met koopkrag is, jy betaal nou baie meer, want eenhede raak net minder vir spesifieke bedrag! Ek het die afgelope paar jare gesien hoe eenhede net minder raak met die power rand.Eskom moet ondersoek word vir korrupsie, maar die probleem is dat die Anc smeer alles toe.Ek glo dat met verloop van tyd gaan die damwal bars, m.a.w. Eskom se skandale sal ook navore kom van hoe hy die publiek deurboor! Geldwolwe (nie bekwames) beheer Eskom!