Eskom is land se ‘kopseer’, sê Ramaphosa

beurtkrag-kers

Argieffoto.

Fase 4-beurtkrag van verlede maand was sleg vir die Suid-Afrikaanse ekonomie en moenie weer gebeur nie, sê pres. Cyril Ramaphosa.

Ramaphosa het Donderdagaand dié onthulling aan gemeenskapslede in Sandton in Johannesburg gemaak waarin hy erken het dat die kragvoorsiener Eskom die land se jongste “kopseer” is.

“Elke oggend wanneer ek wakker word, kry ek inligting van minister [van openbare ondernemings, Pravin] Gordhan wat my op die hoogte hou van hoe die kragstelsel lyk … elke keer dat ek groen en ʼn bietjie kragsurplus sien, haal ek makliker asem,” het die president gesê.

“’Eskom hou ons ekonomiese vooruitgang ​​in sy hande. Ons moet Eskom herstruktureer, maar die groot uitdaging is finansies. Eskom is ons enigste staatsonderneming met R300 miljard skuld … dit is te veel.

“Fase 4 [beurtkrag] was sleg, ons moet seker maak dat dit nooit weer in Suid-Afrika gebeur nie. Dit was sleg … sleg vir die ekonomie en ons vooruitgang. Natuurlik moes ons dit geweet het, maar dit moenie weer gebeur nie,” het Ramaphosa gesê.

Volgens Ramaphosa het die kragvoorsiener fase 4-beurtkrag verlede maand ingestel aangesien hy gesukkel het om in die vraag na elektrisiteit in die somer te voorsien.

Gordhan het vroeër vandeesweek gesê die regering is besig met die inwerkingstelling van ʼn plan om die ineenstorting van kragsentrales te verminder en om beurtkrag tot minstens fase 1 dié winter – wanneer die vraag na krag toeneem – te beperk.

 

  • Maroela Media wil jou “Lig in die donker”-storie hoor. Vertel vir ons van iets snaaks wat in julle huis gebeur het toe die ligte skielik afgaan, of van ʼn slim plan wat julle gemaak het om die kos gaar te kry, of iets lekkers wat julle as gesin aangepak het terwyl die krag af was. Die mooiste, lekkerste, snaaksste of mees positiewe storie mag dalk net vir jou en jou gesin ʼn kragopwekker ter waarde van R7 500 in die sak bring. Lees meer oor dié kompetisie hier.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

57 Kommentare

jongste oudste gewildste
Vicky

Ag, ek gaan nie eers jou bog praaitjies lees nie… Tyd om af te klim van jou troon af… Dis mos weer verkiesing, nou word die heuningkwas weer misbruik… Net jammer duisende mense gaan val vir dit… Alweer… Die mensdom sal ook nooit leer nie.

Alida

Die vraag na elektrisiteit is groter in die winter hulle beter noual voorsorg tref.

Boer

Nee……julle is die land se grootste kopseer!
Maar blameer dit maar weer op apartheid want julle stemvee gaan dit weer glo
Ek sê jou wat…..veel erger wag op SA as net fase 4!

AP

Danksy anc , viva zuma familie/vriende

Elna

Jammer om dit te se maar die ANC is n groter kopseer vir die land as wat Eskom is. Eskom kan nog reg geruk word as hulle die BEE stelsel uithaal en kwalifiseerde mense aanstel wat die wettige kwalifikasies en ambag het om die soort werk te doen. Die tjommie tjommie storie blaas nou in hulle gesigte op dis hoekom dit so gaan in Eskom. Dis my opinie