Eskom kondig beurtkrag aan

(Foto: pixabay)

Eskom het Donderdagmiddag aangekondig dat hy beurtkrag gaan instel.

Eskom sal van 16:00 tot 23:00 fase 2-beurtkrag instel weens ‘n kapasiteitstekort.

Die kragvoorsiener het Donderdagoggend nog gesê dat beurtkrag nie vandag verwag word nie maar dat die kragnetwerk steeds onder druk en kwesbaar is.

Teen 10:00 vanoggend was daar 12 300 MW se onbeplande onderbrekings. Eskom het ook toe gesê daar is genoeg diesel vir gasturbines en water by die pompopgaarskemas om die tekort aan kapasiteit aan te vul indien nodig.

Waar kry ek my beurtkragskedule?

Indien Eskom jou elektrisiteit verskaf, kan jy jou beurtkragskedule kry deur www.loadshedding.eskom.co.za te besoek of 0860 037 566 te skakel.

Indien ʼn munisipaliteit jou elektrisiteit voorsien, kan jy die volgende webwerwe besoek of inbelsentrums skakel.

City Power (Johannesburg): www.citypower.co.za of 086 056 2874
Ekurhuleni (Oos-Rand, Gauteng): www.ekurhuleni.gov.za of 086 054 3000
Tshwane Metro (Pretoria): www.tshwane.gov.za of 012 358 9999
eThekwini (Durban en omliggend): www.durban.gov.za of 080 131 3111
Stad Kaapstad: www.capetown.gov.za of 086 010 3089
Nelson Mandelabaai: www.nelsonmandelabay.gov.za of 041 506 5555
Polokwane (Limpopo): www.polokwane.gov.za of 015 290 2490
eMalahleni (Witbank en omliggend): www.emalahleni.gov.za of 013 690 6911
Umhlathuze: www.umhlathuze.gov.za of 080 022 2827

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

24 Kommentare

jongste oudste gewildste
Hennie

Soek weer geld vir bonusse

ou stok

Ja, gaan maar na ekurhuleni se tuisblad en vind dat die skedule beskikbaar is vir 2014

sarel

geld is op vir diesel

PIETER

Josi, Hennie is soort van reg, en jy ook… Kragopwekkers word nou verkoop. Gemiddelde prys is tussen 7000 en 9000, plus BTW, m.a.w, daar word R1050 BTW per kragopewkker betaal, plus die heffing op brandstof, en die wat kan bekostig gaan eet uit, teen gemiddeld R100 per persoon, nog R13 per persoon aan BTW…. So kan ons aangaan…..

koos

Seker die reën se skuld. As dit nie reën nie, dan is dit water tekorte. As die warm of koud is kry mense wat lugversorging en verwarmers gebruik, die skuld. Eskom, julle is meesters op verskonings, behalwe om die skuld te plaas waar dit hoort.