Eskom kondig weer beurtkrag aan

Argieffoto

Eskom het pas aangekondig dat hy Woensdagoggend fase 2-beurtkrag vanaf 01:00 tot 06:00 gaan toepas.

Luidens ’n verklaring gaan die kragvoorsiener nou beurtkrag snags in werking stel om die beskikbaarheid van elektrisiteit gedurende werksdae te verseker.

“Weens die verlies van bykomende kapasiteit moes noodreserwes gebruik word om die kapasiteit gedurende die dag aan te vul. Die stelsel bly beperk en onvoorspelbaar,” lui die verklaring.

Dié rondte beurtkrag word ingestel ter wille van die matriekuitslae wat môre bekend gemaak word, verduidelik Eskom.

“Fase 2-beurtkrag word uitgestel tot 01:00 om matrikulante die kans te gun om hulle matriekuitslae te ontvang. Hierdie besluit sal matrikulante ook genoeg tyd bied om hulle weg huis toe te vind.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
Abel

Ja eskom onbevoeg om diens telewer

Ig

Bla bla bla. Selfde storie, ander verskoning. Is daar nog verskonings oor om te gebruik?

Seeklong

Iets maak nie sin nie. Jy kan nie krag opgaar gedurende die nag om dit in die dag te gebruik nie. Krag word gebruik soos wat dit voorsien word, daar is nie batterye waar dit gestoor word vir later gebruik nie. Iewers is ‘n groot slang in die gras, hulle gaan ons nou gewoond maak om krag snags af te sny, juis dan wanneer diewe en moordenaars toeslaan. Maak gereed mense, hier kom moeilikheid, in die nag nogal.

Kobus

Dis nou n klomp bollie. Watter flou grappies gaan hulle nog uitdink vir hulle onbevoegdheid

Ethel

Maak dit makliker vir die skelms.