Eskom kry aanmaningsbrief oor beplande kragonderbrekings

Argieffoto: GCIS

AfriSake het ʼn aanmaningsbrief aan Eskom gestuur oor die beplande kragonderbrekings in Musina in Limpopo.

Dié dorp staar kragonderbrekings in die gesig ná dit aan die lig gekom het dat die Musina- plaaslike munisipaliteit Eskom R72 miljoen skuld. Eskom dreig om die dorp se kragtoevoer op 6 Julie af te sny.

Armand Greyling, regs- en beleidsanalis by AfriSake, het Dinsdag gesê dorpbewoners kon tot en met Maandag voorleggings aan Eskom maak om te verduidelik waarom die kragtoevoer nie onderbreek moet word nie. AfriSake het ook ingegryp deur ʼn aanmaningsbrief aan Eskom te stuur wat versoek dat Eskom nie hierdie roete moet inslaan nie weens die gevolge wat dit vir die ekonomie en prioriteitsdienste kan inhou.

“Met beurtkrag wat skynbaar weer eens die norm in Suid-Afrika word, gaan Eskom voort met sy aanslag op die onskuldige verbruiker deur krag te onderbreek na munisipaliteite wat in gebreke bly om hul rekenings te betaal,” het Greyling gesê.

“In sy brief bring AfriSake hofsake onder Eskom se aandag waar howe die elektrisiteitverskaffer verbied het om krag na plaaslike munisipaliteite te onderbreek. Sommige van hierdie sake is tans besig om hersien te word. Dit sal verstandig wees van Eskom om te wag totdat ten minste een van hierdie groot sake beslis word voordat hy die vernietigende en arbitrêre roete inslaan van kragonderbrekings as ’n manier om skuld in te vorder.”

Hy het gesê Eskom het in elk geval ander remedies tot sy beskikking om munisipale sake te hanteer, naamlik ingryping deur die provinsiale of nasionale regering. “Dit blyk dat Eskom hierdie remedies egter wil omseil sonder enige gedagte aan onskuldige verbruikers.”

Greyling het gesê indien Eskom AfriSake se voorstelle ignoreer, sal regsaksie ingestel word ten einde ʼn nasionale in plaas van ʼn plaaslike oplossing te kry vir die kragtoevoerkrisis wat Suid-Afrika tans in die gesig staar.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

20 Kommentare

jongste oudste gewildste
marous

Ondersoek indringend welke munusipaliteite depositos gedoen het by vbs bank As dit enige munusipaliteit is wat geld skuld moet hul bates en elke persoon wat betrokke is , se eiendom tot hul tee koppies verkoop word..

1+1

Uitstekende houding wat deur AfriSake ingeslaan word. Eskom het hulleself in die voet geskiet met wanbestuur oor jare. Hulle moet ook maar leer dat daar so’n uitdrukking in ‘n beskaafde same-lewing bestaan. Sterkte Armand

Jannie

Sit af hulle krag as hulle nie betaal nie, dis hoekom ek nie kan byhou met die verhogings nie want eskom moet hul slegte skuld erêns invorder.

Frikkie Geld en huis

As ek nie my kragrekening betaal nie, word dit binne ‘n paar dae afgesny om te verhoed dat die munisipaliteit verliese lei. Waarom het Eksdom nie dieselfde met die munisipaliteite gedoen nie. Hul het egter gewag totdat daar miljoene rand geskuld word en nou wil hul die verbruikers straf. Baie verbruikers het pre-paid meters en is daarom geregtig op die krag wat hulle reeds vooruit betaal het. Dis goed dat Afrisake hul probeer wakker skud.

GM

Laat ALMAL vir krag betaal. Dan is daar genoeg geld vir dienste EN vir die korruptes om te skep.