Eskom leen R15 miljard

Argieffoto

Eskom het ʼn lening van R15 miljard verseker by ʼn konsortium van plaaslike en internasionale banke.

Die lening is danksy ʼn staatswaarborg bekom en sal gebruik word om die kragvoorsiener se kapitaalbestedingsprogram te help finansier.

Phakamani Hadebe, Eskom se uitvoerende hoof, het gesê dit is bemoedigend dat finansiële markte die kragvoorsiener steeds in ʼn “positiewe lig” sien terwyl gepoog word om finansiële en operasionele stabiliteit te verseker.

André Pillay, tesouriehoof van Eskom, het gesê die kragvoorsiener het nou nagenoeg 95% van sy behoefte van R72 miljard vir die boekjaar geleen. Die oorblywende 5% sal van verskeie finansieringsbronne, insluitend plaaslike effektemarkte, ingesamel word.

Volgens Pillay sal die versekering van die fasiliteit verseker dat Eskom se likiditeitsvereistes op tyd vervul word.

Hy het gesê Eskom het ook reeds 30% van die finansiering bekom wat vir die volgende boekjaar benodig word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

21 Kommentare

jongste oudste gewildste
Elsa

Goed en wel om te leen, maar dit moet terugbetaal word…. En pasop vir verdere staatskaping

Marietjie Cilliers

Al wat ek wil weet waar is die geld wat ons betaal het. Verseker moet daar wees. Maar dit is wat my bang maak die is n bodemlose put waarin die geld verdwyn. En ons moet net bly betaal. Ons is pensionarise. Jy kan nie meer nie.

Dries du Toit

Elsa jy is reg.. Die rowery gaan nooit ophou nie. Ons moet uit hierdie hel kom. Waar is ons regte leiers

Stoffel

Eskom se kwitansie aan my vir die lening:

R15,000,000,000-00
Handtekening is versteek en waarborg deur die bank met watermerk is om sekuriteitsredes ook versteek.

Ander Koos

Weet maar, binnekort is die geld op en dan word daar weer geleen