Eskom maak reg vir staking

Argieffoto

Die kragvoorsiener Eskom het gesê gebeurlikheidsplanne is gereed vir ʼn landwye protesaksie wat Donderdag deur sommige werkers beplan word.

NUM en Numsa het Dinsdag tydens ʼn gesamentlike mediakonferensie gesê hul lede sal Donderdag oor middagete aan landwye protesaksies deelneem.

Phakamile Hlubi-Majola, woordvoerder van Numsa, het aangedui dat die hoofprotesaksie Donderdag by Eskom Megawatt Park in Woodmead in Johannesburg gehou gaan word waaraan honderde lede gaan deelneem.

“Leiers van albei vakbonde sal by die betoging wees om die lede toe te spreek. Die protesaksie word van 10:00 tot 13:00 beplan, waartydens ʼn memorandum met griewe aan Eskom se bestuur oorhandig sal word,” het Hlubi-Majola gesê.

Die vakbonde se ontevredenheid volg nadat Eskom ʼn 0%-salarisverhoging vir werknemers aangebied het. Dit het daartoe gelei dat NUM, Numsa en Solidariteit elkeen afsonderlik ʼn dispuut met Eskom verklaar het.

Leiers van Numsa en NUM het gesê Eskom se verweer dat die kragreus in ʼn finansiële verknorsing is en daarom nie kan bekostig om salarisverhogings aan werknemers toe te staan nie, is nie ʼn aanvaarbare verskoning nie.

Die vakbonde het gesê hoewel ʼn hoë salarisrekening wel een van Eskom se uitdagings is, kan dié uitdaging nie voor die deur van die werkers gelê word wat die kleinste salarisse in die maatskappy verdien nie. Hulle eis ʼn verhoging van 15%.

Eskom het Woensdag gesê kragstasies funksioneer steeds optimaal ingevolge gebeurlikheidsplanne om die uitwerking van enkele werkers wat reeds staak, te versag.

“Eskom se kragstasies en ander noodsaaklike geriewe funksioneer steeds optimaal in ooreenstemming met gebeurlikheidsmaatreëls om kragtoevoer te verseker tydens hierdie tydperk waarin enkele werkers staak – die staking word nié deur vakbonde gelei nie,” het Eskom gesê.

Die kragvoorsiener het toegegee daar was Woensdag enkele gevalle waar betogers ingange van hul kragstasies versper het. “Dié gevalle is egter stopgesit deur lede van die polisie se eenheid vir openbare orde,” het Eskom gesê en bygevoeg dat die situasie op dié plekke gespanne maar stabiel is.”

Phakamani Hadebe, uitvoerende hoof van Eskom, het Woensdag tydens ʼn nuuskonferensie in Megawatt Park gesê senior bestuur van die maatskappy het reeds opofferings gemaak en daar sal geen bonusse, verhogings of nuwe aanstellings wees nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
Gemaskerde Sopbeen

As jy wegspring deur al jou bates te verkoop sodat die “boeke goed lyk” en almal reuse “prestasie bonusse” kry……en dan laat jy alles verval tot by kritiese vlak….en dan betaal jy die een na die ander CEO “mega salarisse, bonusse en byvoordele”, en dan begin jy jou kliënte smeek om MINDER van jou produk te koop, en jy vervierdubbel die prys in 5 jaar………..dan kom jy uiteindelik by hierdie punt uit. Ek haat dit om te sê “I told you so” but…….I told you so!!

Vryheid

Daar is honderde duisende mense wat nie betaal vir krag nie om nie eers te praat van die onwettige krag aansluitings nie. Daar word niks aan gedoen nie maar hier op die plaas was my Eskom rekening agter stalling vir twee maande toe kom sny Eskom die krag af. By ons township waar die werksmense woon betaal bitter min mense vir krag en was nog nooit afgeskakel nie. Die soort ding sal Eskom se einde beteken.

Wurmpie

Nou weet ons hoekom dit so gaan by Eskom. Etenstyd van 10 tot13.00. Lekker man lekker

Peet van Breda

Eskom het sy eie bed opgemaak. Eskom se versuim om stappe te neem direk na wan betalings het munisipaliteite laks gemaak om hul krag skuld te betaal en steeds in wanbetaling verval. Sommige munisipaliteite was vir jare agterstallig voor straf maatreels soos beurt krag ens toegepas was. Jammer vir julle …….maar betaal jul werkers volgens jul vergoeding aan jul bestuurs lede.

Anoniem

Ek het simpatie met die werkers. Die manne hoog op kry derduisende terwyl die man op die vloer peanuts kry en dit is nie net eskom nie maar orals. Ek was in bestuur by een van ons land se grootste drukkers en die salarisse wat betaal word tans is minder as wat die mense gekry het 2010 hoe verklaar jy dit. Gaan kyk as jy google vir ambagsmanne soos fitters hulle begin salaris is tussen 70 tot 140 rand per uur dit is salarisse van 8 tot 10 jaar gelede. Die werkersklas vanaf skoonmaaker tot op ambagsman vlak is almal… Lees meer »