Eskom ondersoek ‘Kill the farmers’-inskrywing

'n Skermskoot van die inskrywing wat op Facebook gedeel is.

‘n Skermskoot van die inskrywing wat op Facebook gedeel is.

Eskom ondersoek ʼn klag wat by sy etiekkomitee aangemeld is nadat een van sy werknemers glo op Facebook geskryf het dat boere doodgemaak moet word.

Tjaart Coetzee, ʼn man van Alberton, het die inskrywing by Eskom aangemeld nadat hy dit op die groep Alberton Against Crime gesien het. Coetzee het aan Maroela Media gesê ʼn lid van die groep het ʼn skermgreep op die groep gedeel van ʼn inskrywing waar daar op Amu Hlungwane se profiel geskryf is: “Kill the farmers, kill the boer…FAST!”

“Hlungwane het die inskrywing gedeel saam met ʼn video van ʼn swart man en wit man wat in ʼn vuisgeveg betrokke is,” het Coetzee gesê. In die video kan gesien word hoe die wit man in ʼn stadium op die grond val en die swart man hom skop. Daar word nie ʼn aanduiding gegee wat die oorsprong van die video is of waar en wanneer dit gemaak is nie.

“My probleem is nie met die video nie, want niemand weet wat daar gebeur het nie. Een van die mense op die Facebook-groep het gesê die voorval het glo in Nelspruit gebeur, maar ek weet nie,” het Coetzee gesê. “Dit gaan daaroor dat hy [Hlungwane] op ʼn openbare platform sê ‘kill the boer’ en hy kom weg daarmee. Gereeld hoor jy dat mense aangekla word, beboet word of hul werk verloor omdat hulle rassistiese uitsprake op Facebook maak. Hoe kan hierdie man dan net toegelaat word om sulke goed te sê?”

Coetzee het gesê Hlungwane se inskrywing het opslae op die groep se blad veroorsaak en verskeie mense het Hlungwane se uitspraak skerp veroordeel. Die inskrywing is later van die groep se blad verwyder. Skermskote van Hlungwane se inskrywing is egter later weer deur ander gebruikers op sy persoonlike profiel gedeel waar hy weer van rassisme beskuldig is.

'n Skermskoot van Amu Hlungwane se profiel waarop daar aangedui word dat hy vir Eskom werk. Hierdie inligting is egter later verwyder.

‘n Skermskoot van Amu Hlungwane se profiel waarop daar aangedui word dat hy vir Eskom werk. Hierdie inligting is egter later verwyder.

Volgens ʼn skermskoot wat van Hlungwane se profiel gemaak is, is hy ʼn werknemer by Eskom. Dit wil egter voorkom asof Hlungwane intussen hierdie inligting van sy Facebook-blad verwyder het omdat sy profiel nie meer aandui waar hy werksaam is nie.

Coetzee het egter gesê ʼn verteenwoordiger van Eskom het hom Donderdag gekontak en bevestig Hlungwane is by die kragvoorsiener werksaam. Volgens Coetzee het die Eskom-verteenwoordiger bevestig dat sy klagte ontvang is en dat die relevante departement dit ondersoek.

Maroela Media het Eskom om kommentaar genader en ʼn woordvoerder het bevestig dat die saak ondersoek word. “Eskom se Grondwet-gebaseerde werknemerbeleid omskryf gedrag slegs binne die grense van wat toelaatbaar is en daarom sal enige afwyking van hierdie gedrag ondersoek word met behulp van gedefinieerde interne prosesse. Eskom is dankbaar dat hierdie klagte onder ons aandag gebring is,” het die woordvoerder gesê.

Die woordvoerder het verder gesê Eskom wil nie die ondersoek vooruit loop nie, maar sal die bevindinge van die ondersoek aan al die relevante partye bekendmaak. “Ons het reeds met die klaer gekommunikeer oor die volgende stap in die saak.”

Coetzee het gesê hy verwag dat Eskom baie streng teen Hlungwane sal optree. “Mense moet verantwoordelik gehou word vir hierdie soort goed. Daar moet gevolge wees vir sulke onaanvaarbare uitsprake.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

86 Kommentare

jongste oudste gewildste
Tong innie kies

En die DA is tjoepstil?????

Hennie

So seker as wat ek hier sit, sal hy niks oorkom nie, want hy is nie wit nie!

Elsie

Wat gaan die uiteinde wees? Hy gaan seker net oor die vingers getik word en verder moet almal weer vergeet en vergewe!! Sy velkleur is reg om te sê wat hy wil. Dit is sulke mense wat haat en moord aanblaas. Tree drasties op teenoor wit en swart wat hulle skuldig maak maar waar is die regering en die ander partye? Wanneer hulle moet optree dan doen hulle niks. Hulle hou hulle net met kleinighede en eie gewin besig. Jan Publiek tel net op stemdag en verder glad nie!

Fritz

Dit is wat ek rasisties en haatspraak noem. Vergelyk dit met wat Sparrow gese het. Raai wat niks gan met hom gebeur nie. Blykbaar kan net witmense rasiste wees. Hoop hy besef dis die boere wat die kos op sy bord sit. Lee blikke maak die meeste geraas

zoom zoom

Hoekom is die persoon nog nie aangekla nie. Is ons net skuldig as jou vel wit is. Die regstelsel is ‘n grap.