Eskom se probleme tekenend van ‘ANC-mislukkings’

Argieffoto (Foto: baptisteh, Pixabay)

Eskom se “gespook om die ligte aan te hou” tot die verkiesing op 8 Mei is nie volhoubaar nie, is oneerlik en het ten doel om Suid-Afrikaners te mislei tot dit polities gerieflik is om die ware verrotting bloot te stel.

Volgens Natasha Mazzone, DA-LP, het die onthulling vroeër dié week deur Tito Mboweni, minister van finansies, dat ʼn reddingsboei van R17 miljard weens kontantvloeiprobleme vir Eskom gegee is, gewys op ʼn kragvoorsiener wat nie meer lewensvatbaar en volhoubaar is nie.

Eskom en ander staatsbeheerde instellings het ʼn “swart gat geword wat Suid-Afrikaanse belastingbetalers deurlopend moet vul”, het Mazzone gesê.

“Dit is nie net omdat die entiteite swak bestuur is nie, maar omdat dit dekades lank as plundervoertuie vir die ANC en diegene met politieke bande gebruik is.”

Volgens Mazzone het die DA verneem dat Eskom nie die lening van die Chinese ontwikkelingsbank  en die reddingsboeie vir die instandhouding van kragstasies gebruik nie, wat oorspronklik tot die krisis gelei het. “Hulle het die geld gebruik om salarisse te betaal en die ligte aan te hou deur diesel van miljarde rande te verbrand tot ná die verkiesing.”

Dit beteken volgens Mazzone dat die land ongetwyfeld hierdie winter weer in donkerte gehul sal word aangesien die ANC die land mislei het oor die omvang van die probleme by Eskom.

Die werklikheid is egter dat Eskom nie die ligte kan aanhou nie aangesien die entiteit se sakemodel “fundamenteel gebroke” is.

“Ons het ʼn wetsontwerp voorgestel wat voorsiening maak vir die bekendstelling van onafhanklike kragprodusente wat die koste van elektrisiteit goedkoper sal maak om broodnodige mededinging teweeg te bring en te verseker dat Suid-Afrika nie deur die swart gat wat Eskom geword het, sal sink nie. Die oplossings is egter nooit aangeneem nie,” het sy gesê.

Volgens Mazzone sal die aanvaarding van die DA se voorstelle beteken die ANC moet besef dat infrastruktuur die afgelope 25 jaar verouderd geraak het en nie in stand gehou is nie omdat openbare geld “sistemies gesteel” is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

45 Kommentare

jongste oudste gewildste
Andreas

Maar nou beduie Cyril vir hul volgelinge, met oog op Mei-maand, moenie die ANC straf, verkiesings is nie die regte manier om die ANC te straf vir swak dienslewering nie. So dis dan reg dat hulle, hul frustrasie uitleef deur af te brand, te vernietig en te toi-toi, maar hulle moet tog net nie die ANC by die stembus straf nie, vernietig eerder die land.

Henk

Nie net Eskom wat ‘n swart gat is nie , die hele regering is

Andreas

Genoeg is genoeg, lees my kommentaar onderaan hierdie berig, ek gaan dit nie hier herhaal.
https://maroelamedia.co.za/nuus/sa-nuus/treine-brand-in-kaapstad/

Gert van Wierdapark

Stem saam met Mazzone dat ons nie die meer die “swart gat” met nog biljoene Rande se “reddingsboeie” aan die reeds verdrinkte Eskom, kan voer nie! Hy het sy EIE gat gegrawe en gesien! Eishkom met sy sukkelende krag nie-werk nie, netwerk, gaan SA ook sink as iets nie GEDOEN gaan word nie. CR se taak-spannetjie sal seker eers na die verkiesing aan die “Donker Wolk” aandag kan gee! Eish!!!

Andreas

Wat is die trappe van vergelyking van grap? Grap, grapper, grapste, of vertaal , Cyril, Cyriler, Cyrilste.