Eskom skors Koeberg-bestuurder

Die Koeberg-kernkragsentrale. (Argieffoto: Henk Kruger/ANA)

Eskom het Vrydag sy algemene bestuurder by die Koeberg-kernkragsentrale geskors terwyl ʼn ondersoek na die prestasie van die aanleg afgehandel word.

Die kragvoorsiener se hoofkernkragbeampte, Riedewaan Bakardien, sal intussen die bestuur van die aanleg behartig.

Suid-Afrikaners word reeds dae lank aan beurtkrag onderwerp, terwyl Eskom sukkel om die ligte aan te hou.

Eskom sê Koeberg se eenheid een, met ʼn kapasiteit van 900 MW, is sedert Januarie vanjaar buite werking en kon gehelp het om beurtkrag te verminder indien die eenheid soos beplan aanlyn gebring is.

“Eskom bevestig dat daar geen kernkraggevare by Koeberg is nie. Indien nodig, sal tyd afgestaan word om alle uitstaande werk af te handel voordat eenheid een weer aan die netwerk gekoppel word,” lui ʼn verklaring van Eskom.

Eskom sê sy bestuur is bekommerd oor die prestasie van die Koeberg-kernkragsentrale, asook dat die onlangse probleme by die eenheid weereens geteister is deur vertragings. Dit het beteken dat die datum waarop die aanleg weer in diens gestel moes word, weereens aangeskuif moes word.

Daar word in dié stadium verwag dat die eenheid in die derde week van Junie weer in diens gestel sal word.

“Eskom se leierskap en die raad moedig Koeberg-personeel aan om te konsentreer op die werk wat nog gedoen moet word en om die eenheid so gou moontlik weer veilig aanlyn te bring. Dit is ʼn noodsaaklike gedeelte van al die beskikbare opwekkingsbates.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

26 Kommentare

jongste oudste gewildste
Samuel

Hierdie afdanking sal nou seker ook weer rasgedrewe wees?

Tipper

ag wat met volle salaris,hoe langer hulle dit kan uitrek hoe langer lê hy met full pay by die huis, bargain vir hom.

Kobus

Sabotasie?

Anel

Nou hoekom word die persoon wat geskirs is se naam nie genoem nie?

Renier johannes

Wie werk by eskom hulle sit envkry net pay