Eskom: ‘Staatskaping-verslag nie feite’

Brian Molefe, Eskom

Brian Molefe, Eskom

Ben Ngubane, voorsitter van die Eskom-raad, het Vrydag gesê Thuli Madonsela, voormalige openbare beskermer, se bevindinge rakende Brian Molefe, hoof van Eskom, is nie op feite gegrond nie.

Ngubane het verwys na Madonsela se waarneming rakende “twyfelagtige transaksies” met betrekking tot Molefe en Tegeta, ʼn Gupta-maatskappy. “Die transaksies wat aangegaan is, was heeltemal kommersieel. Eskom betwis die OB se verslag aangesien dit nie op feite gegrond is nie.”

Volgens Ngubane het Madonsela niemand van Eskom ondervra tydens haar ondersoek nie. Madonsela het in haar verslag bevind ʼn voorafbetaling van ʼn paar honderd miljoen rand deur Eskom aan Tegeta Resources & Energy vir ʼn tender om steenkool aan die Arnot-kragstasie te verskaf is glo gebruik om die Optimum-steenkoolmyn by Glencore te koop. Madonsela het bevind die transaksie was moontlik korrup, onwettig en kom op vrugtelose en verkwistende uitgawes neer.

Madonsela het ook bevind dat Molefe en Ajay Gupta ʼn “gemaklike verhouding” het en verskeie kere in verbinding met mekaar was. Sy het onder meer bevind dat Molefe en Ajay Gupta mekaar tussen Augustus 2015 en Maart vanjaar 58 keer gebel het. Molefe was ook tussen 5 Augustus en 17 November verlede jaar vyf keer in die Saxonwold-omgewing.

Madonsela het daarop gewys dat Ajay Gupta verlede jaar in ʼn onderhoud met haar beweer het Molefe is sy “goeie vriend” en dat hy dikwels by die familie se herehuis in Saxonwold kuier.

Molefe het Donderdag huilerig ontken dat hy ooit by die herehuis in Saxonwold was. Hy het beweer hy kuier gereeld by ʼn sjebeen in die gebied.
Madonsela het ook bevind die Eskom-raad is onbehoorlik aangestel.

Ngubane en Molefe het egter albei ontken dat hulle iets verkeerds gedoen het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

34 Kommentare

jongste oudste gewildste
Elna

Nie regtig feite nodig. Eskom se rekord spreek vir dit self. Kyk die gemors waarin dit is.

Johann

Hahahahaaha. Geweet dit gaan n warmplaat dansery afgee maar rerig? N SHEBEEN? Watter een? In SAXONWORLD? NOOIT gedink hy of een van die ZUMAIKIES sal iets erken nie; maar “huilerig”…n CEO? Was aekwr eers by die SHEBEEN!!!!! Maar ja: Thuli self erken syt te sagte woorde en terme gebruik…nou te laat. Hier kom weer hofgedinge en appelle en ja maar en en en…

JM

Lol janee ‘n eerlike vrou se verslag is nie gebaseer op feite nie maar julle strooi-pratery is? Dis belaglik man, sy het haarself oor en oor as ‘n betroubare persoon bewys, en julle nie, so ons glo regtig nie dat die verslag nie op feite gebaseer is nie, sy was ‘n baie deeglike vrou. Julle is in die hoek, nou maak julle ander leuenaars. Die wereld lag vir julle!

lynette

Ag toe, ne? Nadat Ajay erken het sy goeie vriend kuier gereeld by hom, moet ons nou glo die Hoof van Eskom kuier in n sjebeen???? Wanneer besef die spul dat ons nie soos meeste van die land niks tussen die ore het nie en vir onsself kan dink. Ons glo nie soos kindertjies alles wat hulle opdis nie!!!!!

lettie

Lol. Benoude katte maak benoude spronge. Mnr Molefe kry n baie groot salaris waarom is dit vir hom nodig om n shebeen in saxonworld te besoek.?Bly hy in saxonworld dat die shebeen net n klipgooi van hom af is? Daar is deesdae om elke hoek en draai n drinkplek as hy dan lus is vir n dop.!!! Eish mama!