Eskom-stakings kom tot ʼn einde

Irvin Jim, sekretaris-generaal van Numsa, onderteken die aanbod. Foto: Verskaf

Ná maande se onderhandelinge, sporadiese stakings en selfs beurtkrag het die metaalwerkersvakbond Numsa die loonooreenkoms van Eskom se raad onderteken.

Irvin Jim, sekretaris-generaal van Numsa, het in ʼn verklaring bevestig Numsa se lede het ingestem tot Eskom se driejaar-loonaanbod en dit Woensdag onderteken.

Dié aanbod sluit ʼn salarisaanpassing van 7,5% vir 2018-’19 en 7% vir 2019-’20 en 7% vir 2020-’21, asook ʼn behuisingstoelaag wat strook met die VPI en ʼn eenmalige kontantbetaling van R10 000 in.

“Ons bedank ons lede wat dissipline gehandhaaf het ondanks uiterse uittarting deur die werkgewer. Ons het met ʼn salarisaanpassing van 0% begin en danksy julle pogings kon ons dié verhogings verseker. Ons is ook dankbaar vir die onderhandelingspanne wat onvermoeid gewerk het om die kwessies aan te pak,” het Jim gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

17 Kommentare

jongste oudste gewildste
Chris Ws

Al wat nou gaan gebeur is krag gaan nog duurder word.Alternatiewe krag bronne word al meer aanlokliker en is ons voorland.

marous

Dank julle sterre vir die verbruiker wat op hulle tande moes kners ondanks die tartende optrede van die stakers. Julle gaan met ‘n belasting boikot sit , binnekort ,en dan het julle niks !

Petro

Chris WS
Eskom werknemers betaal dieselfde pryse as jy vir kragverbruik en vir brandstof en brood en vleis en en en

Sieg

Nadat hulle geen verhoging moes kry nie. As n maatskappy so verswaking vertoon soos Eskom meen dit die werkers se produktiwiteit is ook so swak, maar wragtig hulle kry verhoging. Dit is presies hoekom maatskappy onder gaan en krippeer en sy kliënte apnormale verhogings toedien in SA.

Harry

Huishoudings sal van nou af hul eie sonkrag elektriese stelsels kan installeer en dit sal goedkoper wees as Eskom se elektrisiteit. Boere behoort met windkrag nog goedkoper weg te kom. Eskom het nou ‘n keerpunt met hul prysverhogings bereik en met kompeterende alternatiewe krag is dit moontlik die begin van die einde van Eskom, wat tot die verkoop van sekere kragstasies, of die totale ineenstorting van die kragnetwerk kan lei .