Eskom stel fase 4-beurtkrag in

(Foto: pixabay)

Eskom het Vrydagmiddag aangekondig dat hy fase 4-beurtkrag gaan instel.

Die kragvoorsiener pas Vrydag sedert 09:00 fase 2-beurtkrag toe nadat daar ook Donderdag beurtkrag toegepas is. Die fase 2-beurtkrag sou tot Saterdag om 06:00 toegepas word.

Volgens die kragvoorsiener sal hy egter van 14:00 af fase 4-beurtkrag toepas tot Saterdag om 06:00. “Eskom het vanoggend bykomende eenhede verloor terwyl ander eenhede nog nie weer aan die gang is nie”. Daar is meer as 13 000 MW se onbeplande onderbrekings.

Eskom het gesê hy het die fase beurtkrag wat toegepas word verhoog sodat hy vir ander onvoorsiene onderbrekings voorsiening kan maak en om waterreserwes by die pompskemas weer aan te vul.

Beurtkrag kan ook die res van die naweek toegepas word indien die reënweer voortduur. Volgens Eskom het die reënweer reeds steenkoolhanteringsprobleme by van sy kragstasies tot gevolg weens nat steenkool. Dit het tot gevolg dat daar nie elektrisiteit opgewek kan word nie.

Fase 4-beurtkrag beteken Eskom kan 4 000 MW se elektrisiteit van die kragnetwerk haal.

Waar kry ek my beurtkragskedule?

Indien Eskom jou elektrisiteit verskaf, kan jy jou beurtkragskedule kry deur www.loadshedding.eskom.co.za te besoek of 0860 037 566 te skakel.

Indien ʼn munisipaliteit jou elektrisiteit voorsien, kan jy die volgende webwerwe besoek of inbelsentrums skakel.

City Power (Johannesburg): www.citypower.co.za of 086 056 2874
Ekurhuleni (Oos-Rand, Gauteng): www.ekurhuleni.gov.za of 086 054 3000
Tshwane Metro (Pretoria): www.tshwane.gov.za of 012 358 9999
eThekwini (Durban en omliggend): www.durban.gov.za of 080 131 3111
Stad Kaapstad: www.capetown.gov.za of 086 010 3089
Nelson Mandelabaai: www.nelsonmandelabay.gov.za of 041 506 5555
Polokwane (Limpopo): www.polokwane.gov.za of 015 290 2490
eMalahleni (Witbank en omliggend): www.emalahleni.gov.za of 013 690 6911
Umhlathuze: www.umhlathuze.gov.za of 080 022 2827

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

27 Kommentare

James ·

So fase6 of 8 volgende? Aangesien julle nou aan die gang is. Ek is moedeloos met die!

woedend ·

Ek ook James, ek bly op die Suid-Kus, geen krag en party areas op die Suid-Kus nogsteeds sonder water!!!!

HPV ·

Realisties gesien, ‘n algehele “blackout” is onafwendbaar. Geen werklike beplanning of die indiensneming van kundige vakmanne, wat hul dienste maande gelede al aangebied het, is of word beplan nie. Daar word net voortgeploeter en hoop die probleem sal self weggaan.
Hier in Bloem is dit nog erger, hier gaan dit nie net oor Eskom se onvermoë om krag te lewer nie maar ‘n metro wat heeltemal bankrot is en Eskom asook Bloemwater nie kan betaal, met ook geen toekomstige beplanning, maar hoop ook maar die probleem sal self weggaan. Letterlik honderde wonings is al toegerus met kragopwekkers en water opgaartenks toegerus met drukpompe. Almal maak die tenks maar vol as daar water is en skakel oor as die water soms vir tot twee dae gestop word. Met beurtkrag hoor mens net kragopwekkers loop. Dit is soos ons nou lewe…

TDW ·

Selfde tyd verlede jaar. Hulle wil hul jaarlikse bonusgeld hê.

JD ·

Ek wonder of die steenkool in die verlede nie ook nat gerëen het nie ??

smurfie ·

Ekt presies dieselfde vraag vir my man gevra. Het dit dan 20 jaar terug nooit nat gereen nie?

sdp ·

Gaan deur al die nuusberigte, dan kyk ons watse hoop of positieweteit is nog oor

André-Chris ·

Speel die Bokke nie dalk vanmiddag nie? Ons kan sekerlik nie wag tot more se sport nie.

Manie van Worcester ·

baie maklik, daars niks meer positief nie, totaal niks

Wonder maar net. ·

As die steenkool n produk is wat nie mag nat kry.Hoekom le dit in die reen?Ek vra maar net.

Hendrik ferreira ·

Nat steenkool is nie die probleem nie dit brand beter as dit nat is ,onbevoegdheid en honderde verskonings dit is die probleem

Tersia ·

In my kinderdae her ons steenkool stowe gehad en die steenkool nat of droog het ewe lekker gebrand. Dink seker ons is stupid!!!!

Gerrit ·

Nee man, ons is beurtkrag fiks. Fase 4 is niks. Gee vir ons fase 9.

Die regte Grassie. ·

Ek wil nou ‘n opmerking maak wat niemand van gaan hou nie. Miskien gaan ons in die nie te verre toekoms nog terugverlang na die “goeie ou dae” toe ons nog beurtkrag gehad het. Toe ons vir 20 uit die 24 uur ‘n dag krag gehad het en daar water uit die krane gekom het as ‘n mens dit oopdraai. Toe daar nog petrol uit die pomp gekom het as jou kar se tenk leeg raak.
Ons sit met ‘n regering wat alles wat hulle aan raak in die grond in vernietig Hulle is ook in beheer van Koeberg. Wanneer gaan iets daar sê “DOEF”, of twee keer doef want daar is twee reaktors.
Wat het ons wittes se leiers gedink gaan gebeur toe hulle die land sonder slag of stoot, met broeke wat bewe, aan ‘n terreurorganisasie oorhandeig het? Dat ons ‘n land van melk en heuning gaan hê? Asseblief!!!

HPV ·

Ja Grassie, om te dink daar was ‘n tyd toe mens kraanwater nog kon drink!

Manie van Worcester ·

Wats fout om hulle ook onder sakeredding te plaas, beslis nog swakker af as sal ooit kan wees

@Manie van Worcester ·

Ek het dit ook gesê, maar MM het gedink my bewoording is effe kras…..kan nie dink hoekom nie.
Vandag, het Kempton munisipaliteit ‘n ‘Wellness day’ en geen dienste soos vullisverwydering vind plaas nie, aangesien almal dit bywoon. Ons vuilgoed staan reeds vanaf Wo in die straat, en gaan beslis vandag ook nie verwyder word nie. Mense se vullisdromme loop reeds oor. Geen sakeredding gaan egter werksetiek by sekere mense in ons samelewing kweek nie; ons is aan die verloorkant wat waardes en aanspreeklikheid aanbetref. Die meerderheid van die werkers in staatsinstansies is daar net twv salaris en die potensiaal van ‘byvoordele’. Anders gestel – hierdie is ‘n verlore stryd. Die duisternis strek veel dieper as Eskom se onvermoë om die ligte aan te hou.

TDW ·

Kom nou Maroela, noem dit wat dit is: Afpersing.
Hulle soek hul jaareind-bonusse.
Hulle lê die nasie lam met hul beurtkrag sodat die “reddingsboei” nie té verdag lyk nie.
Die staat lyk dan alte gewillig om die nasie te “help” deur eskom te help.
Sit maar die feite op die tafel.

Anel ·

Tyd vir bonusse. Dink seker ons het nie breinselle om dit uit te werk nie.

Nat steenkool ·

Nat steenkool? Swakste verskoning denkbaar, tensy dit laegraad steenkoolpoeier is wat hulle teen opgeblase pryse aankoop. Voor 1994 het dit seker nooit by kragstasies gereën nie. Eskom raak ‘n geldvretende sinkende skip. Aanstel van nuwe bestuur sal net so min help as om die Titanic se kaptein te vervang nadat die ysberg reeds getref is.

Chris Ws ·

Donderaand om 18h45 gaan ons gebied se krag af.Krag toevoer word herstel Vrydag aand 18h45 =24 uur later! Toe Net na 20 minute van krag toe skop beurt krag in tot 21h15.Dis nou wat ek noem dem oulik!Die hele spul by Escom is onbevoeg!Voor 1994 het dit ook gereen en was daar ook nat steenkool maar GEEN beurtkrag nie.

Michael P ·

Hoekom moet die Weskaap beurt krag he ons het dan reaktors dit kan mos nie nat reen nie. En hoekom moet eskom bonusse kry hulle moet eintlik nie eers salarisse kry nie hulle werk dan nie eers nie

Philip ·

Ek kan nie glo die mense blammeer die nat weer wat ons land so nodig het nie. Daar moet mos voorsiening gemaak word dat die steenkool nie nat sal word nie.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.