Eskom het Maandag gesê dat die land se kragtoevoernetwerk vir die volgende ses weke onderdruk gaan wees, maar verwag nie dat beurtkrag vir die tydperk toegepas gaan word nie.
Eenheid 2 van die Koeberg-kernkragstasie is tans glo vir herstelwerk gesluit wat druk op die netwerk gaan plaas. Andrew Etzinger, ʼn woordvoerder van Eskom, het aan EWN gesê dit sal veroorsaak dat nagenoeg 900 MW ʼn dag verlore sal gaan.
“Die aanvraag na elektrisiteit is sowat 30.000 MW op ʼn dag soos vandag. 900 MW is ʼn groot gedeelte daarvan,” het Etzinger gesê. “Die kragnetwerk sal onder spanning verkeer weens ons lae brandstofreserwes. Ons sal met tye kwesbaar wees.”
Bron: EWN
