Ingula-pompstasie Foto: www.royalhaskoningdhv.com
Eskom moes Woensdag werkers van ʼn konstruksietonnel by die Ingula-pompstasie naby Ladysmith in KwaZulu-Natal ontruim.
“Die werkers is ontruim as ʼn voorsorgmaatreël weens rook in die tonnel,” het Andrew Etzinger, woordvoerder vir Eskom, gesê. Hy het gesê ʼn geringe fout met een van die masjiene in die tonnel het die rook veroorsaak.
Etzinger het gesê nie een van die werknemers is beseer nie.
Ses werkers is in Oktober 2013 by die konstruksieperseel dood nadat ʼn tonnel meegegee het. -SAPA
