Die spotprent wat EWN op Twitter gelaai het
Eyewitness News (EWN) het om verskoning gevra nadat hy gister ‘n spotprent genaamd “A Congress of Clowns” gepubliseer het waarin daar na kiesers as “poeph*ls” verwys word.
Die spotprent is wyd op sosiale media versprei en het baie mense warm onder die kraag. Sommige sosiale media-gebruikers meen die spotprent is rassisties terwyl ander meen dit is onaanvaarbaar om na kiesers as “poeph*ls” en “narre” te verwys.
EWN het in ‘n verklaring op sy webtuiste gesê dat hy baie terugvoer oor die spotprent ontvang het en dat dit ter harte geneem word. “Ons is bewus daarvan dat ‘n politieke spotprent oop is vir individuele interpretasie. Ons aanvaar dat die kommentaar in die spotprent, hoewel onbedoeld, vir sommige van ons gewaardeerde luisteraars en lesers aanstoot gegee het en ons by EWN vra om verskoning.”
EWN sê hy het die terugvoer aan die spotprenttekenaar gestuur vir verdere bespreking en oorweging. “Ons by EWN sal voortgaan om vryheid van spraak en redaksionele onafhanklikheid na te streef.”
[CARTOON] Congress of Clowns…http://t.co/yLAq3RzErX By Dr Jack & Curtis of @africartoons pic.twitter.com/xdj242UKHn
— Eyewitness News (@ewnupdates) May 28, 2014
Die Waarheid…maak…
Waarheid maak seer!
Niks om voor verkoning te vra nie !
Baie oorspronklik en waar. Verskoning waarvoor ?
Gee dié man ‘n Bells !!
Hy het seker maar bedoel “we the peoples”… New SA English, sien.