Familie ‘diep geskok’ oor Limpopo-plaasmoord

Die stoor waar Badenhorst se liggaam gevind is. Foto: Die Spoorsnyers/Facebook

Die stoor waar Badenhorst se liggaam gevind is. Foto: Die Spoorsnyers/Facebook

Die familie van die boer wat op sy plaas buite Modimolle (Nylstroom) in Limpopo vermoor is, het gesê hulle is geskok en bedroef oor sy dood.

Carel ‘Bossie’ Badenhorst (63) se liggaam is Saterdag deur ʼn eiendomsagent en voornemende kopers van die plaas Doelgerig gevind. Sy liggaam is in ʼn stoor gekry en hy het ʼn wond aan sy agterkop gehad.

Henry Badenhorst, Bossie se broer, het aan Maroela Media gesê hulle weet baie min in dié stadium. “Ek verstaan Bossie se vrou was die dag van die moord in Johannesburg.” Volgens Badenhorst sou sy broer in September 64 jaar oud geword het.

Kol. Ronel Otto, woordvoerder van die polisie, het vroeër gesê ʼn persoon wat op die plaas gewerk het, het intussen verdwyn.

Volgens Die Spoorsnyers, ’n private veiligheidsmaatskappy, is Badenhorst vermoedelik Donderdag vermoor en word daar slegs ʼn selfoon vermis.

Volgens die polisie kan ene Charles Chikaz hulle in die ondersoek bystaan. Enigiemand wat weet waar Chikaz hom bevind kan die polisie kontak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

12 Kommentare

jongste oudste gewildste
Nico

My ouers boer op ‘n plaas in Wes-Transvaal en ek vra hulle altyd mooi om ID afskrifte van alle werknemers te hou. Dit gee jou ‘n beginpunt in enige misdaad-ondersoek. Ek bid egter die ergste gebeur nooit nie.

Pierre Celliers

Familie “diep geskok en bedroef”. Wat vir ‘n opskrif is die?
Is dit nie ‘n natuurlike reaksie van familie lede en vriende om diep geskok en bedroef te wees nie? U opskrif skep die indruk, hulle moes anders gevoel het!

Drieks

Is waar Nico, elke persoon in hierdie land kan vermoor word, tot babatjies word geskiet in bende geweld. Anc se pooging om ‘n land te bestuur…

rola fourie

Ons enigste behoud is om aan te dring om selfbeskikking anders gaan ons almal vermoor word erger as in die konsentrasie kampe!

Blom

Wat anders kan ons doen as om te sit, sanik en te praat.
Altyd die wie die probleem so mooi uiteensit (soos jy Jo) maar te sleg is om ‘n voorstel en oplossing te gee.