Familie, skool rou ná onnie se dood

Maretha en Diviniis van Dyk. (Foto: Facebook)

“Vanaf die eerste oomblik dat ek jou gesien en geweet het ek gaan jou my vrou maak tot die oomblik dat ek jou vir ewig moes groet … My hart, my rots, my trots, my mev. Van Dyk. Die Here het jou vir my geleen en te vinnig van my afgevat.”

Só het Diviniis van Dyk oor die naweek op sosiale media geskryf nadat sy vrou, Maretha, verlede week deur ʼn MiCiTi-bus op die R27 naby Sunset Beach in Kaapstad doodgery is.

Maretha was 30 jaar oud en ʼn gr. 4-onderwyseres aan die Laerskool Van Riebeeckstrand in Melkbosstrand.

“Here Jesus, ek het haar regtig bitter, bitter lief. Sy is by U waar sy net kaalvoet kan loop en mooi na almal kan omsien,” lui die inskrywing.

Die egpaar is in Oktober 2015 getroud.

Trish Dolley, skoolhoof van die Laerskool van Riebeeckstrand, het Maandag in ʼn verklaring namens die skool haar medelye met Maretha se naasbestaandes betuig. Sy het Maretha as ʼn geliefde kollega, onderwyseres en vriendin beskryf.

‘n Skermskoot van die skool se verklaring.

Die skool sal egter uit respek vir die familie geen verdere kommentaar lewer nie, het Dolley verduidelik.

Maroela Media het vroeër berig Maretha se gesin kom oorspronklik van Upington in die Noord-Kaap en haar broers, Cobus en Jasper Wiese, speel professioneel rugby vir onderskeidelik die Stormers en die Cheetahs.

Jasper het ondanks sy sussie se dood die naweek vir die Cheetahs uitgedraf.

Kapt. FC van Wyk, polisiewoordvoerder, het aan Maroela Media gesê die polisie ondersoek ʼn saak van strafbare manslag.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

12 Kommentare

jongste oudste gewildste
Gesiggie

Dit is so hartseer… my innige meegevoel aan die ouers, familie en aan Diviniis haar man. Mag Jesus jul vertroos en aan jul die krag gee om sterk te bly in die tyd van hartseer. RIV Maretha.

Adel

Ai dit is so bitter hartseer, sterkte vir al haar geliefdes…….

Sandra

My Citi het Baie ex taxi bestuurders in diens geneem. So jammer fat sy met haar lewe moes boet. Sterkte aan die naasbestaandes

Lee

Ai dis so hartseer. Baie baie sterkte aan haar man en familie. Mag Jesus julle styf vashou in die moeilike hartseer tyd. Rus Sag Maretha xx

Jaco

Ek was nie daar en het nie gesien wat gebeur, maar ek ry daardie pad n paar keer daagliks, die MyCiti busse ry teen n ongelooflikke spoed op hulle baan. By die verkeerslig by Sunset beach is al n paar lewens ge eis waar My Citi busse betrokke was.