Familie veg terug teen plaasaanvallers

Argieffoto

Argieffoto

Vier plaasaanvallers moes Woensdagaand met leë hande vlug nadat hulle ʼn familie op ʼn plaas buite Nelspruit in Mpumalanga oorval en die mense dadelik terugbaklei het.

Kapt. Dawie Pretorius, woordvoerder van die polisie, het gesê vier mans het die familie omstreeks 19:30 op ʼn plaas in die Brondal-gebied oorval terwyl hulle besig was om buite die huis te braai. Twee van die aanvallers het vuurwapens gehad en een van hulle het ʼn stok by hom gehad.

Volgens Pretorius het Adolf Botha (27) een van die rowers probeer oorrompel, maar is met die stok geslaan. Adolf se ouers het nader gehardloop om te help en is ook met die stok aangerand. Nog twee familielede was ook op die toneel.

“In hierdie stadium het [Adolf] die aanvaller met ʼn stoel geslaan en die aanvaller het op een van sy makkers geskree om te skiet. Een van die ander verdagtes het drie skote afgevuur, maar niemand is gewond nie,” het Pretorius gesê. Hy het gesê Adolf is daarna in die huis in om ʼn haelgeweer te kry en het op die aanvallers geskiet. Weereens is niemand gewond nie.

Die aanvallers het met leë hande op die vlug geslaan. “Ek dink nie hulle het verwag dat die slagoffers hulle só sou teësit nie,” het Pretorius gesê.

Albert Gryvenstein, die operasionele bestuurder van Bossies Community Justice wat op die toneel was, het aan Maroela Media gesê die aanvallers se spore is gevolg tot waar dit by ʼn teerpad geëindig het. Volgens Gryvenstein moes Adolf se pa na ʼn hospitaal geneem word nadat hy met die stok aangerand is. Hy kon nie die aard van die man se beserings bevestig nie, maar het gesê hy verneem hy is nie ernstig beseer nie.

Pretorius het gesê die polisie ondersoek ʼn saak van poging tot roof. Niemand is nog in hegtenis geneem nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

58 Kommentare

jongste oudste gewildste
Dirk

Boere spirit. ONS SAL VEG TOT DIE EINDE. JY SAL NIE ONS GROND EN EINDOM NET KOM VAT NIE.

Andrea

Mooi so!

Vivian

Trots op julle, julle is n voorbeeld!

Zjacques

Dis wat ek wil hoor, staan op teen hulle…

DPJ

Terroriste maak van onverwagsheid gebruik maar weet nie om dit te handteer as hulle onverwags aan geval word nie en slaan voet in die wind. Lafaards!