Familielede wil onwettige myners self red

Argieffoto van onwettige mynbedrywighede (Foto: Jennifer Bruce/ZUMA)

Argieffoto van onwettige mynbedrywighede (Foto: Jennifer Bruce/ZUMA)

Die familielede van onwettige mynwerkers wat in ʼn ongebruikte mynskag in Langlaagte in Johannesburg vasgekeer is, het Maandag die polisie gesmeek om hulle toe te laat om ondergrond te gaan om hul geliefdes te red.

Pogings om die myners te red is Sondag onbepaald gestaak nadat ʼn brand diep binne die skag ontstaan het wat gevaarlike vlakke van koolstofmonoksied veroorsaak het. Daar word beweer dat ʼn onbekende aantal onwettige myners Woensdag die skag binnegegaan en nie weer teruggekeer het nie. Nog 16 mense is die volgende dag agterna om na hulle te gaan soek, maar slegs agt van die “reddingspan” het weer uit die skag gekom.

Sondagoggend is drie van die onwettige myners gered en twee van hulle is op die plek in hegtenis geneem. Die derde een is na ʼn hospitaal geneem. Die vasgekeerde myners se families bly sedert die aanvang van die reddingspogings by die ingang van die skag in die hoop dat hul geliefdes gered sal word.

Die SABC het berig dat nog drie werkers Maandagoggend self uit die skag gekom het, maar toe van die polisie probeer vlug het. Van die onwettig myners wat in hegtenis geneem is, het glo aan die polisie gesê daar is nog myners lewend ondergrond.

ʼn Familielid van een van die myners het met kapt. Kay Makhubele, woordvoerder van die polisie, probeer onderhandel om hulle toe te laat om hul familielede te gaan red. “Hierdie reddingspersoneel weet nie van ondergrondse werk nie. Ons is ontsteld, want ons wil afgaan en ons broers dringend gaan red omdat ons weet hulle is lewend daar onder. Ons wil net hê die regering moet ons toelaat om dit op ons eie te doen, dis al,” het die man, wie se naam nie bekend is nie, gesê.

Mosebenzi Zwane, die minister van minerale hulpbronne, het Maandag die skag besoek om die situasie te evalueer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
Scalla

Hulle moet dan deel wees van die onwettige bedrywighede, hul weet presies hoe dit daar onder lyk, laat hul gaan help

Jakes

Die myners WIL lyk my werk!
Die groot mynhuise wat so geraak word deur stakings nie hul in diens neem?

Manie

Ek het geen simpatie vir die mense. Hulle is n klomp kriminele wat plunder net soos die renoster en perlemoen stropers. Ek soek ook nog geld maar gaan steel nie iemand anders se goed om meer geld in die hande te kry. Ek het al lankal gesê hoekom tree die owerheid nie op teen hulle want dit was n ramp wat gewag het om te gebeur

T

Die ding is hulle myn onwettig, nou moet polisie manne hulle lewens in gevaar stel om hulle te red, dis ook nie reg nie, mens moet darem dit ook verstaan. Hulle doen goed wat hulle weet hulle nie mag nie en nou moet ander mense hulle lewe op prys stel moontlik vir hulle.

Theresa

Wat soek hul daar? Nee. NIemand anders moet hul lewens waag om die mense te gaan soek nie. Hul hoort in die eerste plek nie daar nie. Ook nie in die land nie. Dit wemel van onwettige oor die grens lopers (want dis nie meer moeilik nie). Wanneer ruk die regering op hierteen?!