Fase 2-beurtkrag afgekondig

(Foto: Yaoqi LAI)

Fase 2-beurtkrag sal vanaand (Donderdag) vanaf 21:00 tot Vrydag 05:00 geïmplementeer word. Beurtkrag sal ook Vrydagaand en Saterdagoggend gedurende dieselfde tydgleuf herhaal word sodat Eskom sy noodkragreserwes kan aanvul.

Die kragvoorsiener is vroeër vandag genoop om van sy kragreserwes gebruik te maak nadat onderbrekings by verskeie opwekkingseenhede druk op die kragnetwerk geplaas het.

Eskom sê nou verdere onderbrekings by opwekkingseenhede by die Kriel- en Tutuka -kragstasie het sy noodkragreserwes vandag vinniger as wat verwag is, uitgeput.

“Vertragings met die terugkeer van die opwekkingseenhede by Tutuka, Grootvlei en Kendal het ook ʼn bykomende las op die noodreserwes geplaas.”

In dié stadium is 14 982 MW weens stukkende opwekkingseenhede nie beskikbaar nie, terwyl 5 334 MW weens beplande instandhoudingswerk uit die stelsel gehaal is.

Eskom waarsku dat beurtkrag moontlik oor die naweek ook geïmplementeer sal word indien sy opwekkingseenhede nie genoegsaam herstel nie.

Hy doen intussen ’n beroep op verbruikers om hul kragverbruik te beperk en wys verbruikers daarop dat hy op 22 Julie laas beurtkrag moes toepas.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

22 Kommentare

jongste oudste gewildste
anniekiewiet

22 Julie laas…. Is dit nou ‘n prestasie?

Sobymykoolkop

Nersa wou mos weier vir die volgende 3 jaar, net gou herinner….

Bees Boer

Aah, sonkrag…

Piet

En daar gaan de ruyteren en sy clowns weer!!!Steeeeeeeeeeel dis lekker!!!!

cccp

Wat my woedend maak is dat daar oënskynlik ‘n patroon ontwikkel het waar hulle op die nippertjie beurtkrag aankondig, en gewoonlik tussen Donderdag en Sondag en gewoonlik in dieselfde tydgleuwe; wat beteken, gegewe die munisipale skedules, dat dit gedurig net dieselfde groep mense is wat aan die kortste end trek, terwyl menige ander selde daardeur geraak word. Woorde laag en gemeen genoeg om hierdie spul te beskryf, bestaan nie.