Fase 2-beurtkrag ingestel

Die Kusile-kragsentrale. (Foto: Wikus de Wet/AFP)

Fase 2-beurtkrag sal Maandag om 17:00 in werking gestel word en tot Woensdag om 05:00 duur – nadat ʼn eenheid by onderskeidelik die Matla-, Kendal-, Matimba-, Kusile- en Grootvlei-kragsentrale sedert vanoggend uitgeskop het.

Eskom het kort gelede gesê eenheid 3 by die Medupi-kragsentrale het ook nou uitgeskop, wat beteken beurtkrag word vroeër in werking gestel as wat die kragvoorsiener aanvanklik aangekondig het.

Benewens ander eenhede wat oor die naweek uitgeskop het, moes ʼn eenheid elk by die Hendrina- en Arnot-kragsentrale ook noodgedwonge afgeskakel word. Dit het beteken die kragvoorsiener moes sedertdien swaar steun op sy noodopwekkingsreserwes om die ligte aan te hou.

Eskom het gewaarsku dat verdere beurtkrag op kort kennisgewing ingestel kan word indien nog probleme opduik.

Onvoorsiene probleme by kragsentrales het beteken 14 508 MW is nie beskikbaar nie, terwyl 6 307 MW weens beplande instandhoudingswerk reeds uit die netwerk gehaal is. Hierdie syfers is verskaf voor Eskom inligting oor die probleem by Medupi bekend gemaak het.

Eskom sê hy verwag dat sommige van die opwekkingseenhede oor die volgende 24 uur weer in diens gestel sal word en het mense gevra om hul kragverbruik in te kort.

‘n Mediakonferensie oor die stand van die netwerk word Dinsdag om 10:00 gehou.

  • Hierdie berig is gewysig sedert dit aanvanklik gepubliseer is. – Red.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

34 Kommentare

jongste oudste gewildste
Martie

Onaanvaarbaar

Samuel

Eskom is oorlams. Dit is geheel en al onaanvaarbaar!!

Jessey

En ons Sports begin vroeg, gaan seker nou weer allerhande stories wees want Nersa het nie die verhoging goedgekeur nie en Bennie Boekwurm gaan ook die skuld kry saam met wat in die Ukraine aangaan, maar nooit word verantwoordelikheid aanvaar nie. Dis ‘n lagwekkende affere van groot gemors met vinger wysende narre.

Harley Davidson

Smaak my de ryter kom ook nie die mas op nie maar staan vas oor die vet salaris wat hy ontvang.

JANA

Die elektrisiteit gaan af weens die 2de handse trekker pryse wat gedaal het in Pole. Die rede het die brandstof prys laat styg in SA. As jy dit verstaan dan verstaan jy Afrika.