Fase 3-beurtkrag Donderdag ingestel

(Argieffoto: Severin D./Unsplash)

Eskom sal Donderdag van 08:00 tot 22:00 fase 3-beurtkrag toepas waarna daar weer na fase 2 oorgeskakel sal word.

Die kragvoorsiener het aanvanklik Woensdagoggend aangekondig fase 2-beurtkrag sal van Woensdag om 10:00 tot Sondag om 22:00 geld. Hy het egter Woensdagmiddag aangekondig dat fase 4-beurtkrag omstreeks 14:00 ingestel word en tot 22:00 geld waarna fase 2 weer gegeld het.

Volgens Eskom is hy egter genoodsaak om vandag fase 3-beurtkrag toe te pas aangesien daar verdere onderbrekings by sy Kusile-, Matla- en Tutuka-kragstasies is.

“Dit is ten einde noodopwekkingreserwes verder aan te vul. Die noodopwekkingreserwes is nodig om op noodgevalle te reageer ten einde die stabiliteit van die nasionale kragnetwerk te handhaaf,” het Eskom gesê.

Ten tye van die aankondiging dat fase 3 Donderdag ingestel word, was daar onderskeidelik 13 995 MW weens stukkende opwekkingseenhede en 1 273 MW weens beplande instandhoudingswerk nie beskikbaar nie.

Eskom het weereens benadruk dat sy kapasiteitsbeperkings in die afsienbare toekoms sal voortduur en Suid-Afrikaners versoek om hul kragverbruik te verminder.

“Eskom vra om verskoning vir die ongerief en onsekerheid wat veroorsaak word deur die onderbrekings in kragtoevoer.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

35 Kommentare

jongste oudste gewildste
Hendrik Marthinus

No problem
Moenie onverskoning vra nie
Ons gebruik te veel krag en het nie ore as superheld de Reyter praat nie
Ons moet mos 2 uur smiddae eet en teen 6 uur slaap om krag te spaar

marius

En die koning loop sonder ‘n draad klere in die straat en almal besing sy pragtige kleed ….

Nicholaas

Wonder of hier nie dalk sabotasie agter dit sit, want die daar was mos n saak van rassime teen die hoof wat verloor is nou voel die komrades dalk bietjie gegrief.

Samuel

Wat kan ‘n mens regtig sê? Die landsburgers is vuisvoos van kragonderbrekings. Wat is die waarheid agter die beurtkrag? Waarheid, nie die amptelike verskonings nie.

Cherokee

kragonderbrekings en maskers… geen stopstraat in sig.