Fase 4-beurtkrag weer toegepas

Argieffoto: GCIS

Eskom het aangekondig dat daar Maandag van 10:00 tot 23:00 fase 4-beurtkrag toegepas sal word.

Volgens die kragvoorsiener het hy nog opwekkingseenhede by sy kragstasies verloor.

Fase 4-beurtkrag is ook Vrydag inderhaas ingestel, maar laat die aand minstens na fase 2 verminder. Saterdag is fase 1-beurtkrag ingestel voor daar weer na fase 2-beurtkrag oorgeskakel is.

Fase 2-beurtkrag het Sondag voortgeduur en Eskom het aanvanklik Maandagoggend aangekondig dat hy vir die res van die dag fase 2-beurtkrag sal toepas voor die aankondiging dat fase 4-beurtkrag nou weer toegepas gaan word.

Dit is onder meer weens die kwesbaarheid en onbetroubaarheid van die kragnetwerk weens die verlies van bykomende eenhede.

Volgens Eskom het water- en dieselverbruik by sy pompskemas en oopsiklus-gasturbines toegeneem weens die verlies van bykomende eenhede.

In dié stadium is die moontlikheid hoog dat beurtkrag tot die einde van die week toegepas sal word.

Waar kry ek my beurtkragskedule?

Indien Eskom jou elektrisiteit verskaf, kan jy jou beurtkragskedule kry deur www.loadshedding.eskom.co.za te besoek of 0860 037 566 te skakel.

Indien ʼn munisipaliteit jou elektrisiteit voorsien, kan jy die volgende webwerwe besoek of inbelsentrums skakel.

City Power (Johannesburg): www.citypower.co.za of 086 056 2874
Ekurhuleni (Oos-Rand, Gauteng): www.ekurhuleni.gov.za of 086 054 3000
Tshwane Metro (Pretoria): www.tshwane.gov.za of 012 358 9999
eThekwini (Durban en omliggend): www.durban.gov.za of 080 131 3111
Stad Kaapstad: www.capetown.gov.za of 086 010 3089
Nelson Mandelabaai: www.nelsonmandelabay.gov.za of 041 506 5555
Polokwane (Limpopo): www.polokwane.gov.za of 015 290 2490
eMalahleni (Witbank en omliggend): www.emalahleni.gov.za of 013 690 6911
Umhlathuze: www.umhlathuze.gov.za of 080 022 2827

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

29 Kommentare

jongste oudste gewildste
Werner

Dink dit is baie erger garingdraaitjie raak nou baie dun

James

As dit so aanhou is dit oor n week fase8 en dan blackout!!!

Pampoen

Daar is nog steeds areas waar daar GEEN beurtkrag is nie. Bv. sekere dele van Sunnyside en Waterkloof. Ek verstaan dit gaan oor Uniegeboue en ambasades.

Strandloper

Kul jou hier en kul jou daar…en siedaar geen krag. Dit is nou wragtig veregaande verby en glad nie meet snasaks nie. Stel tog nog so paar duisend aan om die kooltjies droog te blaas asb dit is mos werkskepping!

Anti Da

Beloftes en beloftes. Fase pampoenkop 9 is al jare inwerking.