#FeesMustFall-leier in hegtenis geneem

Mcebo Dlamini Foto: Facebook

Mcebo Dlamini Foto: Facebook

Mcebo Dlamini, voormalige president van die Universiteit van die Witwatersrand (Wits) se studenteraad, is vroeg Sondagoggend in hegtenis geneem.

Shirona Patel, woordvoerder van Wits, het gesê dit is nog nie bekend hoekom hy in hegtenis geneem is nie. Dlamini, een van die leiers van die #FeesMustFall-beweging, is in sy koshuiskamer in hegtenis geneem en na die Cleveland-polisiestasie geneem.

Wits se studenteraad het op Twitter gesê ʼn regspan is na die Cleveland-polisiestasie gestuur. “Die Suid-Afrikaanse Polisiediens het by sy kamer ingebars en hom weggeneem. Hy is nie ingelig waarom hy in hegtenis geneem word nie.” Studente beplan intussen ʼn optog na die polisiestasie.

Nege verdagtes, waarvan vier studente is, is Vrydagaand in hegtenis geneem nadat geweld by Wits na die strate van Braamfontein oorgespoel het. Die betogers het twee voertuie aan die brand gesteek en talle winkels geplunder. Verbygaande motors is met klippe en bottels bestook. Die polisie het traangas en rubberkoeëls gebruik om die betogers uiteen te jaag.

Wits het die geweld veroordeel en veiligheid opgeskerp. Die universiteit het gesê klasse sal Maandag voortgaan. Wits het gesê studente wat hul aan misdaad skuldig maak, sal in hegtenis geneem en geskors word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

25 Kommentare

jongste oudste gewildste
Laplander

Skote Petoors!!!!

Lions

Nou dink hulle ons is dom? Niks gaan met hulle gebeur nie. Hulle gaan net weer vrygelaat word en sal dan in ‘n nog hoër posisie aangestel word. Hulle sal san oor so 10 jaar vereer word in die geskiedenisboeke as helde ban die generasie. Straatname en geboue gaan na hulle vernoem word. En so stu die wrede en siek kringloop voort. Pad na selfvernietiging met die helde wat hiervoor vereer word deur plekke na hulle te vernoem. Tot daar niks oor is nie en ons dan bakhand by die wêreld gaan staan en bedel met die onskuldige sorry gesig.

Peter

Goed so! Tree teen àl die belhamels op. Skors, arresteer en vervolg hulle.

007

Hoop hy word n slag toegesluit en sommer tot na Kersfees.

Skroplap

Hy sit daar met sy selfoon, EFF se twitter het sy nr. gegee vir hulp en ondersteuning.