ʼn Fetus van ongeveer 26 weke is Vrydag in ʼn asblik in Krugersdorp aan die Wes-Rand gevind, het paramedici Saterdag gesê.
Volgens Shawn Herbst, woordvoerder van Netcare 911, is paramedici omstreeks 15:15 na Von Brandisstraat ontbied waar hulle die fetus in ʼn beton-asblik aangetref het.
Die fetus was gedeeltelik in ʼn plastieksak toegedraai.
“Die fetus het geen teken van lewe getoon nie,” het Herbst gesê.
Die polisie sowel as die plaaslike metropolisie was op die toneel om ondersoek in te stel.