Fietsrit eindig in tragedie vir seun (10)

'n Skermskoot in die video waar die kragkabel getoets word. Die skakel na die video volg onderaan die berig.

‘n Skermskoot in die video waar die kragkabel getoets word. Die skakel na die video volg onderaan die berig.

Jaden Landsberg (10), ʼn leerder aan Laerskool Lydenburg, is Vrydag dood toe hy in dié Mpumalanga-dorp gaan fietsry het.

Die Steelburger/Lydenburg News-gemeenskapskoerant berig Jaden het Vrydag saam met maatjies gaan fietsry toe hy glo doodgeskok is toe hy deur ʼn groot poel water gery het waarin ʼn ontblote gelaaide kragkabel gelê het.

Die voorval het op die hoek van Rivier- en Lombaardstraat plaasgevind.

Volgens ooggetuies het Jaden se maatjies hom uit die water probeer haal, maar hulle kon nie daarin slaag nie, want “die water het hulle geskok”.

Beamptes van Phoenix Security was omstreeks 17:00 op die toneel en het saam met ʼn inwoner, Tiaan Erasmus, dadelik noodhulp begin toepas terwyl hy na ʼn plaaslike mediese sentrum geneem is. Dokters het onverpoos sy lewe probeer red, maar hy is by die sentrum dood verklaar.

Die Phoenix-veiligheidsbeamptes en elektrisiëns van die Thaba Chweu-munisipaliteit is terug na die toneel waar die munisipaliteit se elektrisiëns glo bevind het dat die kragdraad nie gelaai was nie.

ʼn Private elektrisiën is ontbied om ʼn tweede mening te gee. Hy kon, op video, vasstel dat die 230 volt-kabel wel gelaai, oftewel “lewendig” was.

Die video is aan Steelburger/Lydenburg News, wat deel is van die Laevelder-groep, verskaf. Kyk die video hier.

Bron: Steelburger/Lydenburg News

OPVOLG: [Video] Gemeenskap rou ná seun op fiets doodskok

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

29 Kommentare

jongste oudste gewildste
Hartseer?

Dis so hartseer, en so onnoodig. Ouers wat nou deur soveel seer moet gaan. My hart gaan vir hulle

Jdv

Ag dis so hartseer!!!! My seun is nou 5 mnd weg en dis loutere hel. Ek is n groot uitgevrete man maar ek is geknak!!! Hoekom gebeur dit ??? Hoe meer ons vra hoe meer word gevat! My hart is met jou ma, mooi woorde help nie. Ek as pa is jammer maar ek is te rou om jou te vertroos met valse woorde en aanhalings. Baie sterkte voorentoe! ?

wilma

En mun probeer keer vi hul wickets. Hu dom dink hul is di mense. Ammal heti net een brein sel ni. Dankie vi tweede opinie. Strongs vi gesin van seun

Drieks

Dis al wat elke dag vir 22 jaar op die Anc se CV by kom. Hoe maak ons vrede met wat in ons woongebiede elke dag gebeur.

Landi Maree

En dan kom di ANC en munisipaliteite wev daarmee. Hulle mag mos
So jammer vir di gesin